प्रियजनको निशानामा देउवा, मन्त्रीबाट राजीनामा दिने खाँडले दिए चेतावनी
d
काठमाडौं । प्रधानमन्त्री पुष्पकमल दाहाल प्रचण्डले अघि सारेको संशोधन प्रस्तावमा सहमति गरेपछि नेपाली कांग्रेसका सभापति शेरबहादुर देउवा आफ्नै प्रियजनको निशानामा परेका छन् । कांग्रेस राजनीतिमा लामो समयदेखि देउवालाई साथ दिइरहेका बालकृष्ण खाँडलगाएतका नेताहरु प्रदेश नम्वर ५ विभाजनलाई असन्तुष्ट भएका छन् ।
सोमबार बसेको कांग्रेस संसदीय दल र पदाधिकारी बैठकमा देउवाकै प्रियजनहरुले चर्काे आलोचना गरे । सधै बैठकमा देउवाको क्याम्पमा उभिने नेताहरु विपक्षमा पुगेका छन् । रक्षामन्त्री समेत रहेका खाँडले सोमबारको बैठकमा सभापति देउवालाई चुनौति दिए । पहाड तराई मिलेर बनेको, कुनै समस्या नै नरहेको क्षेत्रलाई समस्यामा पार्ने कोसिस गरे म मन्त्रीबाट राजीनामा दिन्छु र सभापति विरुद्ध मैदानमा जान्छु ।
पाँच नम्वर प्रदेशबाट प्रतिनिधित्व गर्ने चन्द्र भण्डारी, खाँड लगाएतका नेताहरु संविधान संशोधनका विपक्षमा उभिएका छन् । त्यसैगरी कांग्रेस संसदीय दलका देउवा अल्पमतमा परेका छन् । खाँड र भण्डारीलाई नेता कृष्णप्रसाद सिटौलाले साथ दिएका छन् ।
५ नम्वर प्रदेशका सांसद र नेताहरुले टुक्राउने अवस्था आए नवलपरासीदेखि कंचनपुरसम्मको एउटा क्षेत्र बनाउन सुझाव दिएका छन् । पहाडलाई अलग बनाउने हो भने कैलाली र कंचनपुरलाई पनि समेट्नु पर्ने धारणा राखे । अखण्ड सुदुरपश्चिको पक्षमा चट्टानी अडान राख्दै आएका देउवालाई चुनौति दिन सांसदहरुले यस्तो प्रस्ताव ल्याएका हुन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon