निर्माणधीन चक्रपथ विस्तार आयोजनाले तीव्रता पायो
चीनियाँ सरकारको अनुदान सहयोगमा काठमाण्डौं उपत्यकाको निर्माणधीन चक्रपथ विस्तार आयोजनाले तीव्रता पाएको छ । आगामी एक वर्षभित्रमा सम्पन्न हुने गरी चत्रपथ विस्तारको काम भैरहेको काठमाडौ चक्रपथ सुधार आयोजनाले जनाएको छ । चक्रपथ सडक विस्तार अन्तर्गतको करिब १० किलोमिटर कलंकी – कोटेश्वर खण्डको सडक विस्तारले निकै तिव्रता पाएको हो ।
सन् २०१३ सेप्टेम्बर १३ मा निर्माण सुरु भएको कोटेश्वर कलंकी सडक २०१७ जुलाईमा सम्पन्न गर्ने गरी साङ्घाई कन्ट्रक्सन कम्पनीसँग सम्झौता भएको थियो । तर भुकम्प, नाकावन्दी लगायतको समस्याहरुको कारण कम्पनीले सम्झौताअनुरुप काम सम्पन्न गर्न नसक्दा एक वर्षको लागि समयावधि थपेको थियो । आगामी जुलाईमा सम्पन्न हुने सडक विस्तार अन्तर्गत ४६ प्रतिशत काम सम्पन्न भएको काठमाडौ चक्रपथ सडक सुधार आयोजनाले जानकारी दिएको छ ।
सडक विस्तारमा सरकारले समन्वय नगर्दा ढिलाई भैरहेको निर्माणको जिम्मा लिएको साङ्घाई कन्ट्रक्सनको भनाई छ । सडक विभागअन्तर्गतको चक्रपथ सडक सुधार आयोजना लामो समय प्रमूख विहीन हुन पुग्दा विस्तारको काम प्रभावित भएको थियो । तर ढल, पुल, खानेपानी तथा विजुलीको पोललगायत संरचनाहरुको व्यवस्थापनको जिम्मा लिएको आयोजनाले सरकारी निकायहरुसँग समन्वय भैरहेको बताउदै निर्धारित समयमा नै सम्पन्न हुने दावी गरेको छ ।
कलंकी कोटेश्वर खण्ड सडकलाई दुई भागमा विभाजन गरी निर्माण कम्पनीले विस्तारलाई तीव्रता दिएको छ । यही वर्ष पाँच किलोमिटर सडकमा कालोपत्रे सम्पन्न हुने आयोजनाको दावी छ । सडक विस्तार अन्तर्गत ८ लेनको चौडा सडकको साथै कलंकी चोकमा ४ लेनको अण्डर पास र विभिन्न स्थानमा ६ वटा आकाशे पुलहरु निर्माण गरिने छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon