अमेरिकामा राष्ट्रपति निर्वाचनको मतदान शुरु
एघार ‘ब्याटलग्राउण्ड’ राज्यले नतिजालाई उलट पुलट पार्ने
कार्तिक २३, २०७३- अमेरिकी राष्ट्रपति निर्वाचनको मतदान भर्खरै शुरु भएको छ । बिहान ६ (नेपाली समय अनुसार साँझ करिव ५ बजे) बजेदेखि १२ वटा राज्यको मतदान शुरु गरिएको हो । केहि घण्टामा बाँकी राज्यहरुमा मतदान प्रारम्भ हुनेछ । डेढ बर्ष भन्दा लामो अमेरिकी राष्ट्रपति निर्वाचन अभियान सोमबारको मध्यरातसँगै समापन भएको छ । दुवै प्रत्यासी डेमोक्रयाटिक पार्टी उम्मेदवार हिलारी रोदम क्लिन्टन र रिपब्लिकन डोनाल्ड जोन ट्रम्प आफनो गृहराज्य न्यूयोर्क फर्किएका छन् । स्थानीय समय अनुसार मंगलबार मध्यरात सम्म अमेरिकाले ४५ औं राष्ट्रपति पाउने छ ।
३३ राज्यसहित डिस्ट्रिक अफ कोलम्बियामा केहि दिन अघि नै मतदान शुरु भएको र झण्डै ४ करोडले मतदान गरिसकेको तथ्यांक सार्वजनिक भएका छन् । निर्वाचनको दिन मंगलबार थप आठ करोडले मतदान गर्ने अपेक्षा गरिएको छ । निर्वाचन मुलत एक दर्जन राज्यमा केन्द्रित भएको छ । पार्टी सम्बद्व मतदाताको दर्ता तथ्याङ्क अनुसार तीन दर्जन भन्दा बढी राज्यको संभावित नजिता ‘ओपन सेक्रेरेट’ नै छ । त्यसैले ‘ब्याटल ग्राउण्ड’ भनिने करिब ११ अनिर्णित राज्यको ईलेक्टोरल मत जस्को पक्षमा जानेछ, उसैले निर्वाचन जित्नेछ । राष्ट्रपतीय जितका लागि कुल पाँच सय ३८ ईलेक्ट्रोरल मत मध्ये बहुमत संख्या अर्थात दुई सय ७० मत आवश्यक पर्छ ।
टेलिफोन एवम् अनलाईनमार्फत गरिएका प्रमुख दश वटा राष्ट्रिय सर्वेक्षण मध्ये नौं वटाले क्लिन्टनको अग्रतालाई देखाएका छन् । सर्वेक्षण अनुसार रिपब्लिकन प्रत्यासी डोनाल्ड जोन ट्रम्प माथि हिलारीको अग्रता २ देखि आठ प्रतिशतसम्म रहेको छ । एक मात्र ईनभेष्टर्स बिजनेस डेलीको सर्वेक्षणमा मात्र ट्रम्पले अग्रता हासिल गरेका छन् ।
सबैभन्दा धेरै ईलेक्ट्रोरल मत २९ रहेको रणभुमि राज्य फ्लोरिडा, दुवै उम्मेदवारका लागि महत्वपुर्ण रहेको छ । फ्लोरिडाको सर्वेक्षणमा हिलारीले ट्रम्प माथि झिनो अन्तरले अग्रता लिएकी छिन् । यद्यपी केहि दिन अघि शुरु गरिएको शुरुवाती मतदानमा अल्पसंख्यक हिस्पानिक समुदायको मत अत्यधिक खसेकोले क्लिन्टन पक्षधर उत्साहित देखिएका छन । फ्लोरिडामा कुल मतदाताको पचास प्रतिशत मत, मंगलबार अघि नै खसिसकेको छ । सन २०१२ मा बाराक ओबामाले यो राज्यमा रिपब्लिकन प्रत्यासी मिट रोमनीलाई निकै प्रतिस्पर्धात्मक रुपमा पराजित गरेका थिए ।
अर्कोतर्फ २० ईलेक्ट्रोरल मत रहेको पेन्सलभेनियामा पनि क्लिन्टन अगाडी देखिएकी छिन् । सोमबार राती क्लिन्टनले राष्ट्रपति ओबामा, प्रथम महिला मिचेल ओबामा, पुर्व राष्ट्रपति बिल क्लिन्टन सँगै फेलाडेल्फियामा अहिलेसम्मकै चुनावी विशाल सभालाई सम्बोधन गरेकी थिईन । स्मरणरहोस, सन १९८८ मा सिनियर बुस पछि राष्ट्रपतिय निर्वाचनमा कुनैपनि रिपब्लिकन प्रत्यासीले पेन्सलभेनियालाई आफनो पक्षमा पार्न सकेका छैनन् ।
अल्पसंख्यक समुदायको सबैभन्दा ठुलो हिस्सा मानिने हिस्पानिक समुदायको उल्लेखीय उपस्थिती रहेको नेभाडा, विस्कन्सिन सँगै नर्थ क्लारोलिना र न्यूहयाम्सायर मा क्लिन्टनको अग्रता रहेको विभिन्न सर्वेक्षणले देखाएको छ।
सन २००८ मा जितेर, २०१२ मा ओबामाले हारेको नर्थ क्लारोलिनामा दुवै उम्मेदवारको कडा टक्कर रहने अनुमान गरिएको छ । भर्जिनिया एवम कोलोराडोमा, क्लिन्टन निकै सशक्त देखिएकी छिन् भने एरिजोना, आईवा, ओहायोमा ट्रम्पले जित्ने प्रवल संभावनालाई सर्वेक्षणहरुले संकेत गरेकाछन् । इतिहासले के देखाउछ भने ओहायो बिना कुनै पनि रिपब्लिकन उम्मेदवारले हवाईट हाउस जित्न सक्दैन् । यसअर्थमा, ओहायो जित्ने संभावना रहेका ट्रम्पले राष्ट्रपति जित्ने संभावना रहेको एक थरि बिश्लेषकहरुको तर्क छ ।
सन १९८८ देखि निरन्तर उदार राज्यको रुपमा परिचित मिचिगनलाई आफनो पक्षमा पार्ने प्रयास ट्रम्पले गरेपनि, क्लिन्टनको संभावना बलियो रहेको छ । यसैबीच लस एन्जलस टाईम्सको सोमबार राती जारी गरेको सर्वेक्षणले क्लिन्टन तीन सय ५२ ईलेक्ट्रोरल मतको भारी अन्तरले विजयी हुने दाबी गरेको छ । सो सर्वेक्षणमा ट्रम्प एक सय ८६ मा अडकिने उल्लेख छ ।
प्रकाशित: कार्तिक २३, २०७३
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon