एमालेमा विद्रोहको अन्तीम तयारी : एमालेबाट मधेसी सासंद बाहिरीने खतरा
१३,मंसिर,काठमाडौं । सरकारले संविधान संशोधनको प्रस्ताव दर्ता गर्ने अन्तिम तयारी गरिरहेको बेला प्रतिपक्षी नेकपा एमालेभित्र ठूलो विद्रोह हुने संकेत देखिएको छ । नेकपा एमालेले संविधान संशोधनका बारेमा असहमति जनाउने बताएपछि पार्टीका मधेसबाट प्रतिनिधित्व गर्ने सांसदहरुले एमालेभित्रै विद्रोह गर्ने तयारी गरेका हुन् । संविधान संशोधनकै बारेमा आधिकारिक धारणा बनाउन मधेसबाट प्रतिनिधित्व गर्ने एमाले सांसदहरुको भेला आज र भोली सर्लाहीको हरिवनमा बस्दैछ । यो भेलाले पार्टीले संशोधनको विपक्षमा गएको खण्डमा के रणनीति बनाउने विषयमा ठोस निर्णय बताइएको छ ।
पहाडी क्षेत्र या समुदायबाट निर्वाचित अध्यक्ष केपी भीमरावलसम्मले संविधान संशोधनको औचित्यमाथि प्रश्न उठाउन थालेपछि मधेसबाट निर्वाचित र समानुपातिकमा मनोनित सांसदहरु बिच्किएका छन् ।
एमालेका कतिपय नेताले अहिलेको संविधान नै पूर्ण रहेको र यसमा कुनै पनि कोणबाट संशोधन आवश्यक नरहेको बताएका छन् । माओवादी केन्द्रलगायतका दलहरुले भने संविधानमा कतिपय विषय अझै पनि अपूरो रहेको भन्दै संविधान जारी हुने बेला नै फरक मत दर्ता गरेका थिए । नेपाली कांग्रेसले भने माओवादी केन्द्रको नेतृत्वमा रहेको सरकारले ल्याउने प्रस्तावमा समर्थन गर्ने बताइसकेको छ ।
मधेसी मोर्चाले सीमांकन, नागरिकता, भाषा र उपल्लो सदनमा समानुपातिक समावेशी प्रतिनिधित्वको वर्तमान व्यवस्थाले मधेसी जनतामाथि अन्याय गरेको भन्दै आन्दोलन गर्दै आएका छन् । एमालेका मधेसी सांसदहरुले समेत विगतको नाकाबन्दी र त्यसपछि मोर्चाले उठाएका माग र आन्दोलनमा अप्रत्यक्ष समर्थन गरेका छन् ।
व्यवस्थापिका संसदमा नेकपा एमालेका १ सय ८२ सदस्य रहेका छन् । संविधान संशोधन प्रस्ताव पारित गर्न एमालेको समेत सहयोग आवश्यक पर्छ । पार्टीले संविधान संशोधनबारे कुनै आधिकारिक धारणा नबनाए र संशोधनको औचित्य नै छैन भनेर बिरोध मात्रै गर्ने अवस्थामा मधेसबाट प्रतिनिधित्व गर्ने एमालेका सांसदले पार्टीको ह्विप उल्लंघन गर्ने तयारी गरेका छन् ।
आसन्न चुनावको अवस्थालाई समेत ध्यानमा राखेर एमालेका लागि संविधान संशोधनको पक्षमा उभिने या विपक्षमा उभिने भन्ने विषयले ठूलो चिन्ता थपेको छ । यो अवस्थामा एमालेका अध्यक्ष र उनका समर्थकहरुले भन्दै आएजस्तो संविधान संशोधन नै आवश्यक छैन भन्ने प्रस्ताव औपचारिकरुपमा आएको खण्डमा यसको गम्भीर परिणाम मधेसमा पर्ने निश्चित छ
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon