प्राधिकरणभित्रको अवैध धन्दा रोकिएपछि लोडसेडिङ्ग अन्त्य भयोः ऊर्जामन्त्री
काठमाडौं, १३ मंसिर । उर्जामन्त्री जनार्दन शर्मा प्रभाकरले नेपाल विद्युत प्राधिकरणभित्रको अवैध व्यापार रोकेको कारण लोडसेडिङ्ग हटेको बताउनु भएको छ ।
अठसठ्ठीऔं अन्तर्राष्ट्रिय मानवअधिकार दिवसको अवसरमा राजधानीमा आयोजित छलफल कार्यक्रमलाई सम्बोधन गर्दै मन्त्री शर्माले यस्तो बताउनुभएको हो ।
विद्युत प्राधिकरणकै कतिपय उच्च अधिकारीहरुले विजुलीको कालो व्यापार गरेकाले मुलुक अन्धकारमा फसेको उल्लेख गर्दै मन्त्री शर्माले आफूले त्यस्तो कालो धन्दा अन्त्य गरिदिएको कारण लोडसेडिङ्ग हटाउन संभव भएको बताउनुभयो ।
“कतिपय उद्योग र ठूला व्यवसायीलाई विजुली बेचेर मोटो कमिशन असुल्ने तर जनतालाई अध्यारोमा राख्ने भ्रष्टहरुको दिन समाप्त भएको छ” मन्त्री शर्माले भन्नुभयो “प्राधिकरण इमान्दार र क्षमतावान व्यक्ति आएकोले अब त्यस्तो जनविरोधी काम ठप्प भइसक्यो ।”
नेपालको पानी जनताको लगानी नामक उर्जा कार्यक्रमलाई इमान्दारिताका साथ अघि बढाएमा देश विकासको गतिलाई तीव्रता दिन सकिने मन्त्री शर्माको भनाइ छ ।
नेपालमा रहेको अपार जलश्रोतमाथि जनताको लगानी सुनिश्चत गरेर अघि बढ्ने ३७ बुँदे कार्यक्रम उर्जा मन्त्रालयले अघि बढाइसकेको जानकारी दिँदै मन्त्री शर्माले यसमा साथ दिन सवैमा अपिल गर्नुभयो । उक्त कार्यक्रम राज्यमाथि जनताको स्वामित्व कायम गराउने अभियान समेत भएको उहाँको धारणा थियो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon