बंगलादेशमा हिन्दुका घर तथा मन्दिरमा तोडफोड र आगजनी
बंगलादेश। बंगलादेशमा फेसबुकमा इस्लाम विरोधी सामग्री पोस्ट गरेको भन्दै त्यसको विरोधमा आक्रोशित समूहले हिन्दु मन्दिर र घरमा तोडफोड तथा आगजनी गरेको छ । ब्राह्मणबरिया जिल्लाको नासिरनगरमा आक्रोशित समूहले हिन्दु समुदायको घर तथा मन्दिरमा आक्रमण गरेका हुन् । कम्तिमा २० घरमा आगजनी भएको छ । यस्तै त्यस क्षेत्रका १० भन्दा धेरै मन्दिरमा पनि आगजनी तथा तोडफोड भएको स्थानीय प्रहरीलाई उद्धृत गर्दै बिबिसीले जनाएको छ ।
आक्रोशित समूहले लुटपाट पनि गरेको स्थानीय सञ्चारमाध्यमले जनाएका छन् । मुस्लिम बाहुल्य बंगलादेशमा हिन्दु समुदाय अल्पसंख्य छन् । उनीहरुमाथि बेलाबेलामा यस किसिमका घटना हुने गरेका छन् ।
घर तथा मन्दिरमा आगो लगाउनुका साथै आक्रोशित समूहले हिन्दु समुदायका केही व्यक्तिलाई कुटपिट पनि गरेका छन् । एक हिन्दु युवकले मुसलमानको पवित्र धर्मस्थल काबाको तस्बिर एडिट गरेर त्यसमाथि शिवलाई राखेको तस्बिर पोस्ट गरेका थिए । त्यसपछि यस्तो घटना भएको स्थानीय प्रहरीले जनाएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon