एमालेले भोलिदेखि संसद अवरोध गर्ने, सडकमा पनि आन्दोलन चर्काउने
संशोधन प्रस्ताव राष्ट्रघाती
मंसिर १५, २०७३- एमालेले संविधान संशोधन विधेयकको विरोध गर्दै बिहीबारबाट संसद अवरुद्ध गर्ने र सडकमा समेत आन्दोलन चर्काउने निर्णय गरेको छ ।
एमाले संसदीय दलको बुधबार बसेको बैठकले संविधान संशाेधन विधेयक राष्ट्रघाती भएको ठहर गर्दै त्यसविरुद्ध संसदमा संघर्ष गर्ने निर्णय गरेको हो । बाहिर सडकमा पनि जनताको साथ रहेको उनीहरुको आान्दोलनमा सहभागी हुँदै संशोधनलाई असफल पार्ने निष्कर्ष निकालेको हो ।
‘भोलिबाट राष्ट्रघाती निर्णयको विरुद्ध एमाले संसदमा उभिन्छ,’ एमाले सांसद रवीन्द्र अधिकारीले कान्तिपुरसँग भने, ‘संसदमा आफ्ना कुरा राखेर भोलि (बिहीबार) बाट अवरुद्ध गर्ने निर्णय भएको छ ।’
सरकारले सीमा फेरबदल गर्ने गरी मंगलबार राति संसदमा संविधान संशोधन विधेयक पेश गरेको थियो । उक्त विधेयकमले मुलुकलाई झन् द्वन्द्व र विखण्डन तर्फ लैजान मलजल गर्ने भन्दै एमालेले यस विरुद्ध संघर्षमा उत्रिन सबैलाई आह्वान गरेको छ । संसद भित्र र बाहिर रहेका सबै दल र जनसमुदायलाई आन्दोलनमा उत्रिन आह्वान गरेको छ ।
नयाँ बानेश्वरमा बसेको संसदीय दलको बैठकमा विरामी भएका कारण अध्यक्ष केपी ओली उपस्थित थिएनन् । पार्टीका तर्फबाट उपाध्यक्ष बामदेव गौतमले धारणा राख्दै सशक्त आन्दोलनमा जाने निर्णय सुनाए । एमाले संसदीय दलले सबै सांसदहरुलाई प्रतिवाद गर्न र सदनमा संघर्ष चलाउनुपर्ने भएकाले राजधानी नछोड्न निर्देशन दिएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon