स्थानीय तहबारे अन्तिम समयमापनि सहमति जुटेन
सिन्धुली,२३कात्तिक – राजनीतिक दलहरुविच सहमति जुट्न नसक्दा सिन्धुलीमा स्थानीय तह पूनःसंरचनाको टुंगो लाग्न सकेन । राज्य पूनःसंरचना आयोगले न्यूनतम र अधिकत्म संख्या राखि गाउँ पालिका र नगरपालिका सिफारिस गर्न सोमवारसम्म अन्तिम समय दिएको थियो ।
अयोगले दिएको समय सिमा भित्र जिल्लामा दुई पटक प्राविधिक समितिको बैठक वस्नु भन्दा बाहेक अरु काम हुन नसकेको जिल्ला विकास समितिका योजना अनुगमन तथा प्रशासकिय अधिकृत मदनवहादुर थिङले बताए ।
सिन्धुलीका दलहरुविच सहमति जुटन नसकेकाले आयोगले दिएको समय सिमा भित्र प्रतिवेदन बुझाउन नसकिएको उनको भनाई छ । दलहरु सवै आ—आफ्नै अडानमा रहेकाले समस्या उत्पन्न भएको हो ।
यस भन्दा पहिला सिन्धुलीलाई २ नगरपालिका र ७ गाउँपालिका बनाउने दलिय सहमति बनेको थियो । यता आयोगले अधिक्तम ८ वटा स्थानीय निकाय सिफारिस गर्न भनेको थियो । पछिल्लो समयमा आएर दलहरु एक आपसमा नमिल्दा अव सिन्धुलीमा २ नगरपालीका सहित ६ गाउँपालिका हुने निश्चित भएको छ ।
दलिय सहमति नजुटेपनि सिन्धुलीमा स्थानीय विकास अधिकारीले जिम्मेवारी नलिदा आयोगले दिएको समयसिमा सकिएको नेपालि काँग्रेस सिन्धुलीका सभापति उज्वल बरालले बताए । स्थानीय विकास अधिकारीको अध्यक्षतामा समिति भएपनि अहिले सम्म बैठक नबोलाईकन समय सिमा सकिएको उनको भनाइ छ । यदि दलिय छलफल भएको भए नेपाली काँग्रेस सिन्धुलीमा २ नगरपालीका र ९ गाउँ पालिका बनाउनु पर्छ भन्ने पक्षमा रहेको बरालले भने ।
इलाकालाई आधार मान्दा १३ वटा इलाका रहेको र २ इलाका हटाउदा ११ वटा स्थानीय तह बनाइने उनले बताए । सिन्धुलीको भुगोललाई मध्यनजर गर्दै जनतालाई सहज हुनेगरी सिन्धुलीलाई ११ वटा स्थानीय तह बनाईनु पर्ने बरालको भनाई छ ।
आफुहरु आयोगले दिएको सिमा भित्र नै रहेर स्थानीय तह पूनःसंरचनाको सिफारिस गर्न तयार रहेको भएपनि अन्य दलहरुविच सहमति वन्न नसकेको नेकपा एमाले सिन्धुलीका अध्यक्ष प्रदिप कटुवालले वताए । जिल्लामा धेरै गाउँ पालिका र नगरपालिका वनाउदाँ राज्यले खर्च धान्न नसक्ने भन्दै उनले जति सक्दो थोरैको संख्यामा स्थानीय तह बनाउने पक्षमा आफुहरु रहेको कटुवालले भने ।
यता यस भन्दा अगाडी नै दलहरु, नागरिक समाज, लगायत सवैका विचमा सहमति गरी सिन्धुलीमा ९ वटा स्थानीय तह बनाउन प्रस्ताव गरि सकेकाले नेकपा माओवादी केन्द्र त्यही अडानमा रहेको केन्द्रका जिल्ला संयोजक राजन दाहालले बताए । जिल्लाको भुगोलको कारणले गर्दा त्यो भन्दा थोरैको संख्यामा स्थानीय तह बनाउन कठिन हुने उनको तर्क रहेको छ ।
आयोगले भने सिन्धुलीमा न्यूनतम ५ देखि अधितम ८ वटा सम्म स्थानीय तह बनाउन सकिने भन्दै सोही अनुसारको प्रस्ताव पेस गर्न भनेको थियो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon