स्वातको बुद्ध मूर्ति जीर्णोद्धार
मंसिर ४, २०७३- सन् २००७ मा तालिवानको निसानामा परेको अफगानिस्तानको स्वात प्रान्तस्थित विशाल बुद्ध प्रतिमाले पुन: जीवन पाएको छ । इटाली दूतावासको सहयोगमा उक्त प्रतिमाको जीर्णोद्धार गरिएको हो । अब यसलाई स्वात संग्रहालयमा राखिनेछ । विशाल ढुंगामा बनाइएको यो मूर्ति सन् १९२६ मा सर ओरेल स्टिनमार्फत् पत्ता लागेको थियो ।
उक्त पद्मपाणी बुद्ध प्रतिमाको जीर्णोद्धारलाई तीन चरणमा पूरा गरिएको थियो । पहिले क्षतिग्रस्त भागलाई संरक्षण गरिएको थियो । पुराना तस्बिर र दस्तावेजको सहयोगले थ्रिडी डेटा तयार गरिएको थियो । त्यसैको मद्दतले बचेका ढुंगाबाट टाउको र काँधको भाग तयार गरिएको थियो । इटलीको पुरातत्त्व मिसनले युनिभर्सिटी अफ पडुवासँग मिलेर यस क्षेत्रको पुरातात्त्विक महत्त्वका क्षेत्रको सर्वेक्षण गरेको थियो । यसमा अफगानिस्तानको खैबर पख्तुनख्वाको पुरातत्त्व र म्युजियम विभाग पनि सामेल भएको थियो ।
सर्वेक्षणमा पहाडको शिखरमा एक विशाल बौद्ध मठको अवशेष पाइएको थियो । बुद्धको प्रतिमासम्म पुग्ने एक पुरातात्त्विक महत्त्वको सिँढी पनि पाइयो । यो पहाडमा एक स्तुप पनि पाइएको थियो । बोधिसत्व पद्मपाणीको मूर्ति, ध्यानका लागि गुफा, गुफाको ढोका, भित्तामा कोरिएका चित्र र पुरातात्त्विक महत्त्वका तीन बौद्ध शिला लेख र नजिकै एक विशाल स्तुप पाइएको थियो । इतिहासका अनुसार तिब्बती यात्री ज्ञान पाले सन् १२६० र १२८३ को बीच स्वातको भ्रमण गरेका थिए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon