अमेरिकी राष्ट्रपति निर्वाचनका केही रोचक तथ्य
प्रचार अभियान तीव्र
-
कार्तिक २०, २०७३- अमेरिकामा सर्वेक्षणहरूले राष्ट्रपतीय निर्वाचनको दौड अपेक्षा गरेभन्दा बढी प्रतिस्पर्धी देखाएपछि डेमोक्रेटिक र रिपब्लिकन दुवै पार्टीले आफ्ना प्रचार अभियान थप तीव्र पारेका छन् । अमेरिकामा आगामी मंगलबार राष्ट्रपतिको निर्वाचन हुँदै छ ।
दुवै उम्मेदवारहरू हिलारी क्लिन्टन र डोनाल्ड ट्रम्पले कुन पक्षमा भनेर प्रस्ट भईनसकेका राज्यलाई लक्षित गर्दै लगातार चुनावी अभियान सञ्चालन गरिरहेका छन् । ट्रम्पका पूर्वप्रतिद्वन्द्वी टेड क्रुजले आइओबामा आफ्ना समर्थकहरूलाई रिपब्लिकन उम्मेदवारको पक्षमा मतदानका लागि आह्वान गरेका छन् ।
नर्थ क्यारोलाइनामा डेमोक्रेटिक उम्मेदवार हिलारी क्लिन्टनले ट्रम्प राष्ट्रपतिमा चुनिए राष्ट्रिय सुरक्षाका लागि खतरा हुने चेतावनी दिएकी छन् । उनले ट्रम्प एकदमै सतही रहेको उल्लेख गर्दै उनका विचारहरू अविश्वसनीय रूृपमा खतरनाक रहेको बताइन् ।
डोनाल्ड ट्रम्पले पनि फ्लोरिडामा सम्बोधन गर्दै आफ्नो जित अवश्यंभावी भएको बताए । आफू र आफ्नो पार्टी जिततर्फ बढिरहेको उल्लेख गर्दै उनले आफ्नो जितपछि अमेरिकामा ठूलो परिवर्तन आउने दाबी गरेका छन् । दुवै उम्मेदवारको रेटिङमा कम अन्तर हुन थालेपछि राष्ट्रपति बाराक ओबामा पनि हिलारीको समर्थनमा उत्रन थालेका छन् । उनले फ्लोरिडामा डेमोक्रेटिक उम्मेदवारको पक्षमा मत खसाल्न आग्रह गरे । मियामीको सभामा उनले ट्रम्पको आलोचना गरे ।
अभियानमा ट्रम्प पत्नी पनि
निर्वाचन प्रचार अभियानमा विरलै मात्र देखिने डोनाल्ड ट्रम्प पत्नी मेलानियाले आफ्ना पतिले ‘निष्पक्ष अमेरिका’ बनाउने बताएकी छन् । फिलाडेल्फियाको ग्रामीण क्षेत्रमा आयोजित कार्यक्रममा बोल्दै उनले आफू प्रथम महिला भएमा ‘साइबर बदमासी’ विरुद्ध अभियान नै चलाउने बताइन् । उनले अमेरिकी महिला तथा बालबालिकाका पक्षमा वकालती सेवामा लाग्ने पनि बताइन् । उनले ‘पुराना संस्कार परिवर्तन गरी बालबालिका तथा किशोरकिशोरीमैत्री बनाउनु अपरिहार्य रहेको’ बताइन् ।
ओबामा सरकारप्रति व्यंग्य गर्दै उनले ‘एउटी १२ वर्षे निर्दोष किशोरी विद्यालय परिसरमै ख्यालठट्टा, धम्की वा दुव्र्यवहारको पात्र हुनुपर्ने क्रियाकलाप बारम्बार दोहोरिइरहेको’ उल्लेख गरिन् । ट्रम्प महिलाप्रति अनुदार रहेको धारणा पेन्सिलभेनियासहितका मुख्य मुख्य राज्यहरूमा विकसित भइरहेको समयमा मेलानियाको सम्बोधन आफ्नो पतिको चरित्रबारे
स्पष्टीकरण दिने खालको रहेको टिप्पणी गरिएको छ ।
राजनीतिक बहसमा रोक
न्युयोर्कको लङ आइल्यान्डस्थित साउथ ह्याम्पटन अस्पतालले आफ्नो कार्डियो रिह्याब युनिटको सभाकक्षमा निर्वाचनसम्बन्धी राजनीतिक बहस गर्न रोक लगाएको छ । अस्पतालमा उपचार गरिरहेका बिरामीको स्वास्थ्य स्थितिलाई ध्यानमा राखी उक्त निर्णय गरिएको अस्पतालकी प्रबन्धक जेसिका स्वाटोचाले जानकारी दिइन् ।
केही रोचक तथ्य
अमेरिकाको इन्डियानामा मतदान गर्न निश्चित समय तोकिएको छ । मतदाताले प्राइमरी निर्वाचनमा ३ मिनेट र आमनिर्वाचन तथा नगर निर्वाचनमा २ मिनेटभित्र चुनाव गरिसक्नुपर्छ । तर यो कानुन लागू भने भएको छैन ।
अल्बामाको स्टेट कोडले मत दिन चार मिनेट छुट्याएको छ । कर्मचारीले मतदातालाई सहयोग आवश्यक छ कि छैन भनेर सोध्न सक्छन् । सहयोग चाहिए मतदाताले थप ५ मिनेट समय पाउँछन् । नचाहिए एक मिनेटमात्र पाउँछन् । लाइनमा कोही पनि नभए जति पनि समय पाउँछन् ।
केन्टुकीको कानुनले ‘मूर्ख’ र विक्षिप्त व्यक्तिलाई मतदान गर्नबाट रोक लगाएको छ ।
७ वटा राज्यहरूले निर्वाचनको दिनभन्दा पहिल्यै दिएको मतलाई परिवर्तन गर्ने अधिकार मतदातालाई दिएका छन् । ४० प्रतिशतभन्दा बढी मतदाताले यस वर्षको सुरुमै मत दिएका थिए ।
नेक्सजेन क्लाइमेट नामको राजनीतिक समूहले युवा मतदातालाई आकर्षित गर्न ५ वटा राज्यका मतदान केन्द्रमा कुकुर परिचालन गर्ने योजना बनाएको छ ।
अमेरिकी कानुनले अन्तरिक्ष यात्रीलाई पनि मत दिने अधिकार दिएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon