बुटवलमा तनाबः स्थानीय–विद्यार्थी सडकमा, प्रधानमन्त्रीको राजीनामा माग (भिडियोसहित)
बुधबार, १५ मंसिर, २०७३ मा प्रकाशित,
केशव भण्डारी (इमेज)
बुटवल, मंसिर १५ । लुम्बिनी अञ्चलका गुल्मी, पाल्पा र अर्घाखाँची जिल्लालाई ५ नम्बर प्रदेशबाट ‘अलग’ गरी व्यवस्थापिका–संसद सचिवालयमा संविधान संशोधनको प्रस्ताव दर्ता गरेपछि स्थानीय आक्रोशित भएका छन् ।
बुधबार बिहान बुटवलका विभिन्न ठाउँमा विरोधजुलुस निस्किएको छ । संशोधन प्रस्ताव खारेजको माग गर्दै स्थानीय–विद्यार्थीहरुले चक्काजाम गरेका छन् ।
उनीहरुले प्रधानमन्त्री पुष्पकमल दाहालको राजीनामासमेत माग गरेका छन् ।
विद्यार्थी विरोधमा उत्रिएपछि पठनपाठन प्रभावित भएको छ भने त्यस क्षेत्रमा सवारी–साधन पनि चल्न सकेका छैनन् ।
मधेसी मोर्चाको चित्त बुझाउने नाममा लुम्बिनी अञ्चलका पहाडी तीनओटा जिल्लालाई ५ नम्बर प्रदेशबाट अलग गर्ने प्रस्ताव गरेपछि आक्रोश बढेको हो ।
सरकारी प्रस्तावको विरोध गर्दै गुल्मी, पाल्पा र अर्घाखाँचीमात्रै नभइ रुपन्देही जिल्लामासमेत आन्दोलन चर्किएको छ ।
पाल्पा, गुल्मी र अर्घाखाँचीको सबैभन्दा पायकपर्ने र सम्बन्ध जोडिएको व्यापारिक केन्द्र रुपन्देही हो ।
बसोवासका हिसाबले पनि ती जिल्लाका अधिकांशको पारिवारिक सम्बन्ध रुपन्देही, नवलपरासी र कपिलवस्तुमा छ ।
यसअघि, मंगलबार सरकारले ५ नम्बर प्रदेशका पहाडी जिल्लालाई ४ नम्बर प्रदेशमा राख्ने गरी संविधान संशोधन प्रस्ताव दर्ता गराएको थियो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon