भारतीय रास्ट्रपति नआउदै पोखरामा यसरी भयो बिरोध युवाहरु सडकमा
युवाहरुले तोडफोड गरेको गेट
पोखरा, १८ कात्तिक । तीन दिने नेपालमा भ्रमणका क्रममा काठमाडौंमा रहेका भारतीय राष्ट्रपति पोखरा जानुअगावै त्यहाँ विरोध सुरु भएको छ । स्थानीय युवाहरुले नाकाबन्दी गरेर दुःख दिने भारतका राष्ट्रपतिको स्वागत गर्न नसकिने भन्दै बुधबार राति मुखर्जीको स्वागतार्थ पोखरामा बनाइएको स्वागतगेट तोडफोड गरेका छन् ।
जिल्ला प्रहरी कार्यालय कास्की स्रोतका अनुसार बुधबार राति युवाहरुको समूहले इन्द्रचोक नजिकै बनाइएको स्वागत गेट तोडफोड गरिदिएका हुन् । उनीहरुले गेटमा स्वागत छ पोखरामा भनेर लेखिएको फ्लेक्स र राष्ट्रपति मुखर्जीको फोटो च्यातेका छन् । भारतीय राष्ट्रपति शुक्रबार पोखरा भ्रमणमा जाँदैछन् । यता प्रहरीले भने सामान्य च्यातिएको बताएको छ ।
कास्कीका प्रहरी प्रवक्ता डीएसपी गजुसिद्धी बज्राचार्यले गेटमा सामान्य च्यातिएको तर यो इन्टेनसनल्ली नभएको दाबी गरे । उनका अनुसार सो स्थानमा च्यातिएको फ्लेक्स निकालेर प्रहरीले नयाँ फ्लेक्स लगाइसकेको छ । स्वागत गेटको सुरक्षाका लागि पोखरा सहरभरी अहिले प्रहरीले निरन्तर गस्ती गरिरहेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon