प्रचण्ड र देउवालाई जेल हाल्ने सत्य निरुपण आयोगको तयारी
काठमाडौंः युद्धकालका घटनाको छानविन र पीडितका लागि न्याय दिन बनेको सत्य निरुपण तथा मेलमिलाप आयोगले माओवादी १० वर्षे युद्धका नायक नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति एवम् तत्कालिन माओवादी नेताको टाउकाको मूल्य तोक्ने सरकारको नेतृत्व गरेका शेरबहादुर देउवालाई जेल हाल्ने तयारी गरेको खुलासा भएको छ ।
आयोगले काम नगरेको भन्दै चौतर्फी आलोचना भइराखेका बेला आयोगले यस्तो तयारी गरेको खुलासा भएको हो ।
आयोगले प्रचण्ड र देउवालाई कम्तिमा एक दिन भए पनि जेलमा हाल्ने चर्चा सुरु भएको छ । युद्धकालका आपराधिक गतिविधिमा संलग्नलाई समेत छुटकारा दिएको आरोप लागिराखेका बेला यो विषयले चर्चा पाएको हो ।
आयोगले प्रधानमन्त्री प्रचण्ड र कांग्रेस सभापति शेरबहादुर देउवालाई कम्तिमा एक दिन भए पनि जेल हाल्ने प्रस्ताव ल्याउन लागेको खुलासा भएको हो । यत्तिमात्र होइन आयोगले उजुरी धेरै भएकाले कसरी व्यवस्थापन गर्ने भन्ने तनावमा छ । आयोगले युद्धकालका घटनालाई विभिन्न भागमा विभाजन गरेर अनुसन्धान गरिराखेको छ ।
युद्धकालकालमा एउटा सरकारको नेतृत्व र अर्को युद्धको नेतृत्वकर्ता नेता अहिले सत्तापक्षमा छन् । युद्धको नेतृत्वकर्ता प्रचण्ड प्रधानमन्त्री छन् भने देउवा प्रचण्डका नजिकका सहयात्री अर्थात् सरकारको सबैभन्दा ठूलो सत्तारुढ दलको सभापति छन् । सत्य निरुपण आयोगमा परेका उजुरीमा भने यी दुई नेतालाई एक दिन भए पनि जेल हाल्नुपर्ने उजुरी परेको हो ।
आयोगमा परेका उजुरीमध्ये एक उजुरीकर्ताले प्रचण्ड र देउवालाई एक दिन मात्र भए पनि जेल हाल्न माग गरेका हुन् । प्रचण्ड र देउवाकै कारण आफ्नो परिवारका सदस्यको ज्यान गएको भन्दै उनीहरुलाई जेल हाल्नुपर्ने माग उजुरीकर्ताको छ । यस्ता प्रस्ताव खोतलिरहेको आयोगले भने ठोस निर्णय अझै पनि गर्न सकेको छैन् ।
अमानवीय र जघन्य अपराधमा संलग्नलाई कडा भन्दा कडा कानुनी कारबाही गर्ने बताइएको भए पनि राजनीतिक संरक्षणका कारण ज्यान मुद्धाका आरोपित समेत फरार छन् । आयोगले उजुरीको व्यवस्थापन कसरी गर्ने भन्ने ठोस निती नबनाउदा कार्यान्वयनमा समस्या परेको बताउदै आएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon