निकै खतरनाक मानिने चट्याङ विमानमा परे के होला ?
गत अक्टोबर ३ तारिखमा एउटा अचम्मको घटना क्यामरामा कैद हुन सफल भयो । उत्तरी अटलान्टिकस्थित आइसल्याण्डमा निकै ठूलो वर्षा भइरहेको थियो । आकाशमा चट्याङ परिरहेको थियो जसलाई आफ्नो क्यामरामा कैद गर्न हालडोर गुडमुंडसनले आफ्नो क्यामरा निकाले । उनले ती तस्बिरहरु कैद गर्न सुरु मात्र के गरेका थिए, आकाशमा निकै ठूलो चट्याङ पर्यो र नजिकैको विमानस्थलबाट उडेको विमानमाथि बज्रियो ।
निकै खतरनाक मानिने चट्याङ उडिरहेको विमानमाथि बज्रदाँ हालडोरको मुटु एकछिन चिसो भयो । तर यति हुँदा हुँदै पनि विमान आफ्नै गतीमा अघि बढिरहेको देखेर उनी तीनछक परे । यति मात्र होइन, उक्त विमानले सुरक्षित फ्लाइट पूरा गरेर पेरिस एयरपोर्टमा ल्याण्ड गर्यो । विमानमा चट्याङ पर्दा केही नोक्सानी भएको थिएन ।
हालडोरले जुन तस्बिर खिचेका थिए त्यो देख्दा जोसुकैको आङ एकपटक सिरिङ्ग हुन्छ । त्यस्तो चट्याङ पर्दा पनि विमान सुरक्षित भएको खबरले उनी अचम्मित थिए किनभने विमानले करिब एक अर्ब ज्यूल बिजुलीको झट्का झेलेको थियो जुन एक चौथाई टनको बिस्फोटनबाट हुने क्षतीको बराबर हुन्छ । तर विमान सुरक्षित थियो ।
तपाईंलाई पनि सुन्दा अचम्म लाग्यो होला कि चट्याङ पर्दा पनि विमानमा कुनै नोक्सानी किन भएन ?
वास्तवमा विमानको बाहिरी पत्रमा यस्तो धातू लगाइएको हुन्छ जसले विमानलाई प्राकृतिक झट्काबाट बचाउँछ । वरिष्ठ बेलायती पायल क्रिस हेम्यान्डका अनुसार आजकाल विमानमा सुरक्षाको निकै कडा व्यवस्था गरिएको हुन्छ । वास्तवमा विमान धेरैजसो बादलबिच यात्रा गर्दछ । त्यसकारण यसले थुप्रै पटक चट्याङ पनि सहनुपर्छ ।
जब कुनै विमानमा चट्याङ पर्छ तब त्यो विमानको माथिल्लो पत्रबाट नै गुज्रन्छ । विमानलाई हल्का झट्का अवश्य पनि लाग्छ तर चट्याङ जतिसुकै ठूलो किन नहोस् त्यसको असर विमानभित्र बस्ने यात्रीहरुलाई पर्दैन ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon