लोकमानसँग प्रचण्ड थुरथुर : प्रधानमन्त्री पदबाटै राजीनामा दिने खुलासा
काठमाडौं – व्यवस्थापिका संसदमा अख्तियार प्रमुख लोकमानसिंह कार्कीविरुद्ध महाअभियोगको प्रस्ताव पेश भएपछि आफूलाई राति निद्रा नलागेको प्रधानमन्त्री प्रचण्डले आफ्नो संसदीय दलको बैठकमा सुनाका थिए ।
उनले प्रधानमन्त्री पदबाटै राजीनामा दिने विषयमा समेत सोचेको खुलासा गरे ।
लोकमानसिंह कार्की यो देशको एउटा संवैधानिक निकायका प्रमुख हुन् । निर्वाचन आयोगका प्रमुख वा लोकसेवा आयोगका प्रमुख आयुक्त भनेजस्तै अख्तियारका प्रमुख लोकमान पनि एकजना संवैधानिक पदाधिकारी हुन् । तर, लोकमानलाई यति ठूलो ‘पेपर टाइगर’ का रुपमा प्रस्तुत गरिँदैछ कि उनीदेखि देशका कार्यकारी प्रधानमन्त्री समेत डरले थुरथुर देखियका छन ।
सरकारको एउटा कर्मचारीसँग प्रधानमन्त्री डराउनुको एउटा मुख्य कारण उनको आफ्नै मनको बाघ हो । लोकमानले के के न गर्न सक्छन् ? र उनले चाहेका बेला आफूलाई जेल हालिदिन सक्छन् भन्ने प्रचण्डको मनमा देखियको पाइन्छ ।
साथै लाडाकूको भ्रष्टाचार प्रकरणले पनि थोरै काम गरेको देखिन्छ र यसैलाई लिएर लोकमानले प्रचण्डमाथि मानसिक दोहन गरेका थिए र अझै गर्ने प्रयास गरिरहेका छन् ।
गोवाबाट फर्कनेवित्तिकै लोकमानले प्रचण्डलाई केपी ओलीविरुद्ध कुरा लगाएको सूत्रहरुको दाबी छ । यही कारण प्रचण्डले आफ्नो संसदीय दलको बैठकमा भनेका थिए कि यो त केपी ओलीले हाम्रा साथीहरुलाई प्रयोग गरेर फसाएको पो रहेछ ।
प्रचण्डकै नेता माओले भनेका थिए कि प्रतिक्रियावादीहरु कागजी बाघ मात्रै हुन् । हुन त उनीहरु हेर्दाखेरि वास्तवमा उनीहरु कागजका बाघ हुन् । जनताको शक्तिका सामु उनीहरुको केही लाग्दैन ।अहिले आफ्नो अस्थित्व रक्षाका लागि उनी क-कसको दैलोमा हारगुहार मागिरहेका छन् ।
लोकमान यतिबेला धरापमा परेको आफ्नो पदको थमौतीका लागि रोइलो मच्चाउँदै हिँडिरहेका छन् । तर, देशको प्रधानमन्त्री चाँहि उनीसँगै डराएर के के न होला भन्दै खुकुरीको धारमा हिँड्नुपरेको बताउँदै छन् । यसका पछाडि लोकमानसिंहले उनलाई अझै पनि डर देखाउन छाडेका छैनन् ।
केपी ओली चाहिँ प्रचण्ड जसरी डराएको देखिँदैन । संसद बैठकपछि बानेश्वरको चौरीमा बसेर पत्रकारसँग कुरा गर्दै उनले महाअभियोगपछि के हुन्छ भन्ने पत्रकारको प्रश्नको जवाफमा ‘अब देउसी खेलिन्छ’ भन्ने जवाफ दिन्छन् त कुनै बेला उनी महाअभियोगको ‘ब्याक गियर’ छैन भन्छन् । प्रचण्डका यस्तो निश्चिन्तभाव र साहस देखिएको छैन ।
अहिले जनमानसमा यस्ता प्रश्नहरु उठ्न थालेका छन् । हुनसक्छ लोकमानको भूतले अहिले पनि प्रचण्डलाई तर्साइरहेको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon