स्पेन र इटाली बराबर
आश्विन २१, २०७३- ड्यानिएल डे रोसीले पेनाल्टीबाट अन्तिम समयमा गोल गरेपछि इटालीले युरोपेली विश्वकप छनोटमा बिहीबार स्पेनलाई बराबरीमा रोक्यो । यस्तै वेल्स र अस्ट्रियाले पनि रोमाञ्चक बराबरी खेले । टुरिनमा भएको खेलमाथि स्पेन पूर्ण हावी रह्यो र जित निश्चित जस्तै देखिएको थियो । भिटोलोको गोलले अग्रता लिएको स्पेनविरुद्ध रोसीले बराबरी गोल गरे र खेल १–१ को बराबरीमा छुट्यो । भिटोलीको गोल इटालीका गोलरक्षक जियानलुगी बुफोनको दुर्लभ भूलमा सम्भव भएको थियो ।
त्यस समूह ‘जी’ मा अल्बानिया शीर्षस्थानमा रहेको छ । उसले दुई खेलमा दुई जित निकालेको छ । पछिल्लो जितका लागि उले लेचेस्टाइनलाई २–० ले हरायो । त्यसमा पिटर जहेले र बेकिम बलाजले गोल गरे । त्यसै समूहमा इजरायलले मेसेडोनियालाई २–१ ले पन्छायो । भिएनामा युरो २०१६ को सेमिफाइनल खेलेको वेल्सले समूह ‘डी’ मा अस्ट्रियासँग २–२ को बराबरी खेल्यो । वेल्स सन् १९५८ यता पहिलोपल्ट विश्वकप छनोटको प्रयासमा छ ।
‘आजको खेल निकै कठिन रह्यो । यस्तोमा बराबरीमा प्राप्त एक अंक पनि बहुमूल्य रह्यो,’ वेल्स कप्तान गेराथ बेलले भने, ‘आजको खेल गाह्रो हुनेछ भन्ने हामीले अपेक्षा गरेका थियौं । अस्ट्रिया जस्तो बलियो टिमविरुद्ध खेल सजिलो नै हुन्छ ।’ अब वेल्सले अर्को खेलमा जर्जियाको सामना गर्नेछ । जर्जियाले अर्को खेलमा गणतन्त्र आयरल्यान्डविरुद्ध १–० को हार बेहोर्यो । सिमस कोलमनले त्यसमा निर्णायक गोल गरे । यो आफ्नो देशका लागि उनको पहिलो गोल पनि रह्यो ।
यसै समूह ‘डी’ मा सर्बिया मोल्डोभियामाथि ३–० ले विजयी रह्यो । समूह ‘आई’ मा क्रोएसियाले विश्व फुटबलको नयाँ सदस्य कोसोभालाई ६–० ले हराएर खेलको पाठ सिकायो । त्यसमा युभेन्ट्सका स्ट्राइकर मारियो मान्जुकेले पहिलो हाफमा ह्याट्रिक गरे । युरो २०१६ को नायक टिम आइसल्यान्डले पनि फिनल्यान्डविरुद्ध ३–२ को नाटकीय जित निकाल्न सफल रह्यो । आइसल्यान्ड दुईपल्ट पछाडि रहेर पनि खेलमा फर्कन र जित निकाल्न सफल भएको हो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon