भुटानी शरणार्थीलाई चाँड बाँड आएको भन्दा नआएकै जाति |
औपचारीक मात्र भए पनि पर्व मनाउनै पर्ने यहि बाध्यतामा पुगेका |
दमक | नेपालीहरुको महान चाड बडादशै हरेक नेपालीहरुको घरघरमा लागेको छ । तर सधै अरुले नापजोख गरेर दिएको अन्नले जिविको पार्जन गर्दै आएका झापा र मोरङ जिल्लामा रहेका भूटानी शरणार्थीहरुलाई महान चाड बडा दशैको कुनै रौनक छैन । आसपासका क्षेत्रहरुमा बडा दशैको अवसरमा बेग्लै रौनक छाईरहेको बेला झापाको दमक ५ स्थित बेलडागी शरणार्थी शिबिरमा भने खासै चहल पहल छैन ।
झापा र मोरगका विभिन्न शरणार्थी शिविरहरुमा शरणागत भुटानी शरणार्थीहरुकालागि चाँड बाँड भएको भन्दा नआएको जाति हुने गरेको छ । सन २००८ बाट शुरुभएको तेस्रो देश पुर्नवासको क्रमजारि रहे संगै परिवार छिन्न विन्नमा परेका बेलडाँगी १ हटनम्बर ३७ का मेकमान तामाङ्गका लागि चाँड बाँड आएको भन्दा नआएकै जाति हुनेगरको छन । उनकी श्रीमति र केहि सन्तान युरोप र अमेरिक पुगेपछि एक्लो जिबन झन्झटिलो बनेको छ ।
तामाङ्गजस्तै शिविरमा आश्रित अधिकांश शरणार्थीहरुका आफन्तहरु अमेरिका लागायत अष्टेलिय र युरोपका गरि ८ वटा मुलकमा पुर्नवास भइसकेका छन । सधै अरुले दिएको खाद्यान्नका भरमा जिवन गुजारी रहेका शिबिरबासीहरु डिल्लीराम सुवेदी, इन्द्रकुमार प्रधान, दुर्गामाया प्रधान र दुर्गामान सन्यासि अनि उमेश राईलाई समेत दशैको वास्ता नै छैन । सवै तिर दशैं मनाई रहदा शरणार्थीहरुलाई भने आफ्नै देशमा मिठो मसिनो खाएको र आफन्तसंग रमाईलो गरेको यादले साह्रै पिरोल्ने गरेको थियो । आफ्नै देश, आफ्नै शैली, आफ्नै बारी सवै थोकि थियो, भुटानमा । तर नेपाल लखेटिए पछि छानो फाटोको झुप्रो र दाताले दिएको राहत बाहेक केहिछैन । अरु बेला त जसो जतो समय वित्छ ।
तर जव पर्वहरु आउंछन्, उमंग भन्दा निराशाले मन किच्ने गरेको छ । केहि वर्ष अघि सम्म त फाटेको छानो मुनि आफन्तहरुको साथमा दशैं मनाउंदा पनि मन जोडिन्थ्यो । तर परिवारहरुनै बिभाजीत हुंदै तेश्रो मुलुक जान थाले पछि त शिविरमा रहेका शरणार्थीहरुलाई पर्वहरु पीरका पर्याय बन्ने गरेका छन् । अभाब र अभर छ भनेर पर्व नमनाउंदा पनि नहुने । जसो तसो संस्कार त धान्नै प¥यो । औपचारीक मात्र भए पनि पर्व मनाउनै पर्ने यहि बाध्यतामा पुगेका शरणार्थी यो दशैंमा पनि खल्लो मन लिएर टीका जमरा थापि रहेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon