औचित्यपूर्ण संशोधन गर्न एमाले तयार : ओली
धागो जहाँ चुँडिएको थियो, त्यही विन्दुबाट संवाद सुरु गर्नुपर्छ
कांग्रेसको स्वार्थ, गलत नीति र माओवादीको त विल्कुलै सत्ता स्वार्थले सहमतिमा प्रतिकूल असर पारेको हो
आश्विन २८, २०७३- प्रमुख प्रतिपक्षी एमाले अध्यक्ष एवं पूर्वप्रधानमन्त्री केपी ओलीले संविधान कार्यान्वयनका क्रममा औचित्यपूर्ण लागे आफ्नो पार्टीले संशोधन गर्न सघाउने बताएका छन् । सरकारले संविधान संशोधनको आधिकारिक प्रस्ताव एमालेसँग नल्याएको उनले जनाएका छन् ।
ओलीले प्रमुख दलबीच वार्ता र छलफल बिना एजेन्डा नै भइरहेकाले आफूले त्यसलाई वास्ता नगरेको पनि बताए । ‘संविधान संशोधनबारे प्रधानमन्त्री पुष्पकमल दाहालले मसँग केही प्रस्ताव राख्नुभएको छैन । आयो भने छलफल गर्छौं, राम्रो कुरा भए मान्छौं, नराम्रो कुरा सुनिँदैन,’ उनले भने ।
एमाले अध्यक्ष ओलीले २०७४ माघ ७ भित्र हुनैपर्ने तीन तहको चुनाव सम्पन्न नभए संवैधानिक र राजनीतिक संकट उत्पन्न हुने र त्यसको जिम्मेवारी सरकारले लिनुपर्ने पनि बताएका छन् । उनले वर्तमान सरकारको प्राथमिकता तीनै तहको चुनाव गराउने हुनुपर्ने भए पनि त्यसतर्फ अघि नबढेको बताए । ‘चुनाव गराउन कुनै संवैधानिक जटिलता देखिए संविधान संशोधन हुन पनि सक्छ । तर, त्यो औचित्यपूर्ण हुनुपर्छ । कसैलाई खुसी पार्न र बक्साउनकै लागि संशोधन गर्ने होइन,’ बालकोटस्थित निवासमा ओलीले कान्तिपुरसँग भने । उनले यो सरकारले चुनाव गराउनेमा आशंका व्यक्त गरेका छन् । ‘उहाँहरू (वर्तमान सत्तासमीकरण) को उद्देश्य फरक हो कि भन्ने शंका छ,’ उनले भने ।
ओलीले आफ्नो सरकारको मूल्यांकन, छिमेकी मुलुुकसँगको सम्बन्ध, वर्तमान सरकारका गतिविधिलगायतमा खुलेर प्रतिक्रिया जनाए । कांग्रेसले पहिले आफूहरूसँग गरेको सहमति तोडेको स्मरण गर्दै उनले सोही विन्दुमा टेकेर ‘चुँडिएको धागो जोड्न सकिने’ प्रतिक्रिया समेत दिए ।
‘कांग्रेसको स्वार्थ, गलत नीति र माओवादीको त विल्कुलै सत्ता स्वार्थले सहमतिमा प्रतिकूल असर पारेको हो,’ उनले सहमतिको सूत्र राख्दै भने, ‘राजनीतिलाई सही ठाउँमा ल्याउने हो भने जहाँ धागो टुटेको थियो, त्यहींबाट संवाद सुरु गर्नुपर्छ । हामी मिलेर जान तयार छौं ।’
प्रधानमन्त्री दाहालले राष्ट्रिय सहमतिको कुरा गर्ने, तर कामचाहिँ त्यसविपरीत गर्ने गरेको आक्षेप पनि ओलीको थियो । छिमेकी भारतसँगको सम्बन्ध दाहाल सरकारका पालामा झन् बिग्रिएको दाबी उनले गरे ।
‘सम्बन्ध त बरु मेरै पालामा राम्रो थियो । अहिले अलि खच्पचिएको छ । जस्तो नेपालले आफ्नो स्वाभिमान कायम राख्नुपथ्र्यो, त्यो हुन सकेको छैन,’ ओलीले भने, ‘सरकार परिवर्तन हुनेबित्तिकै बिना विषय, एजेन्डा, खास स्थिति नै नभई विशेष दूत (दाहालले) पठाउनुभयो । के थियो र समस्या ? सम्बन्ध कहाँनिर बिग्रिएको थियो र उहाँले कहाँ सपार्नुभयो ? भन्नुपर्यो नि ।’
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon