अब घर बनाइसकेका भूकम्पप्रभावित र घर मर्मत गर्नेले पनि अनुदान पाउने
सरकारले भूकम्प प्रभावितलाई घर बनाउन दिने राहत प्रक्रियामा संसोधन सहित केही नयाँ व्यवस्था थपघट गर्ने भएको छ । राष्ट्रिय पुर्ननिर्माण प्राधिकरणको निर्देशक समितिको बैठकले नयाँ बिधि प्रक्रियाबाट राहत बितरणको गृहकार्य थाल्ने निर्णय गरेको हो ।
प्राधिकरणले कार्यकारी समितका बिज्ञ समूहलाई कार्यविधि संसोधनका लागि विषयगत जिम्मेवारी समेत तोकेको छ । उनीहरुले राहत वितरणको नयाँ मापदण्डबारे मस्यौदा कार्यविधी तयार पार्ने जिम्मा समेत पाएका छन् ।
कस्तो बन्दै छ नयाँ कार्यविधि
प्राधिकरणको शुक्रबार बसेको निर्देशक समितिको बैठकले भूकम्प प्रभावितलाई ३ बर्गमा विभाजन गरी राहत बितरण गर्ने योजना बनाएको छ । गत असोज १० गते विभिन्न राजनीतिक दलहरु सहितको बैठकमा सहमति जुटे अनुसार नयाँ प्रक्रिया शुरु गरिन लागेको हो ।
नयाँ बन्न लागेको मापदण्ड अनुसार भूकम्प प्रभावीतले घर बनाउन ३ किस्तामा ३ लाख रुपैयाँ पाउने छन् । यसअघि कै निर्णय अनुसार पहिलो किस्तामा ५० हजार र बन्दै गरेको कार्यविधी अनुसार दोश्रो किस्तामा १ लाख ५० हजार र तेश्रो किस्तामा १ लाख रुपैयाँ पाउने व्यवस्था गरिन लागेको हो ।
१) आफैले घर बनाएकालाई पनि ३ लाख अनुदान :
सरकारले संसोधन गर्न लागेको नयाँ कार्यविधी अनुसार आफैले खर्च गरेर घर बनाउने भूकम्प प्रभावितलाई पनि अनुदान दिनेबारे सहमति जुटेको छ ।
गाविस वा नगरपालिकाबाट नक्सा पास गरेको, भूकम्पप्रतिरोधी घर निर्माण गरेको हुनुपर्ने जस्ता मापदण्ड पूरा गर्ने प्रभावितलाई ३ लाख अनुदान दिने कार्यबिधीको मस्यौदा बन्न लागेको हो ।
reconstruction earthquake२) घर मर्मत गर्न चाहनेलाई १ लाख अनुदान :
यसअघि कार्यविधीमा उल्लेख नभएको बिषय घर मर्मत गर्न चाहनेहरुका लागि पनि प्राधिकरणले संबोधन गर्न खोजेको छ । बन्दै गरेको नयाँ कार्यविधीमा आंशिक क्षति भएका तर मर्मत गर्न सकिने अवस्थाका घरका लागि पनि अनुदान दिईने बारे बिधि प्रक्रिया बनाईदै गरेको राष्ट्रिय पुनर्निमार्ण प्राधिकरणका प्रवक्ता रामप्रसाद थपलियाको भनाई छ ।
कुनै भूकम्प प्रभावितले घर मर्मतका लागि निवेदन दिएमा घरको अवस्था हेरी १ लाख रुपैयाँ सम्म मर्मतका लागि अनुदान दिने सक्ने व्यवस्था सहितको कार्यविधी निमार्णमा राजनीतिक सहमति जुटेको हो ।
३) ३ किस्तामा ३ लाख अनुदान :
प्राधिकरणले यसअघि ३ किस्तामा घर निमार्णका लागि २ लाख रुपैयाँ राहत दिने व्यवस्था गरेको कार्यबिधिमा परिमार्जन गर्ने भएको छ । बन्दै गरेको कार्यबिधीमा पहिलो किस्तामा ५० हजार, दोश्रोमा १ लाख ५० हजार र तेश्रो किस्तामा १ लाख दिने राजनीतिक सहमति जुटेको हो । सोही अनुसार प्राधिकरणका बिज्ञ समूहले दशैका बेला बिदा नबसी कार्यबिधीको मस्यौदा निमार्ण गर्दैछन् ।
दोश्रो किस्ताको अनुदान पाउनका लागि पहिलो किस्ताको रकमबाट प्रभावितहरुले घरको जग भने हालेर घर बनाउने प्रक्रिया भने शूरु गरेको हुनुपर्नेछ ।
२५ हजारको ३ विकल्प : सोलार, ट्वाइलेट वा बायोग्याँस
नयाँ कार्यबिधी अनुसार भूकम्पप्रभावितले ३ लाख अनुदान भित्रबाट २५ हजार रुपैयाँ भने घरसँग सम्बन्धित अन्य क्षेत्रमा खर्च गर्नुपर्नेछ । २५ हजार रुपैयाँबाट सोलार बक्ति वा ट्वाईलेट वा बायोग्याँस (गोबरग्याँस)का लागि खर्च गर्नुपर्नेछ ।
punarniman-spokesperson-ram-prasad-thapaliya
प्रवक्ता थपलियाले भने–“नयाँ बन्दै गरेको कार्यविधी अनुसार अव भूकम्प प्रभावितले २ लाख ७५ हजार घर निमार्णका लागि राहत पाउनेछन् भने २५ हजार ट्वाइलेट, सोलार र बायोग्याँस मध्ये कुन आवश्यकता छ, एउटा विकल्प रोजेर त्यसका लागि खर्च गर्नुपर्नेछ । ”
मस्यौदा कार्यविधी निर्माणका लागि विज्ञ समुहलाई जिम्मा
– प्राधिकरणले कार्यकारी समितिमा रहेका विज्ञ टोलीलाई मस्यौदा निमार्णको जिम्मेवारी समेत तोकेको छ ।
– प्राधिकरणले ३ लाख अनुदान दिने व्यवस्थाको कार्यबिधि निमार्णका लागि चन्द्र बहादुर श्रेष्ठलाई जिम्मेवारी दिएको छ ।
– घर मर्मत संभार र रेट्रोफिटिङ्का लागि अनुदान दिने व्यवस्थाको कार्यविधी निमार्णका लागि हरिराम पराजुलीलाई जिम्मा दिएको छ ।
– यस्तै विष्णुबहादुर भण्डारीलाई भूकम्पप्रभावितको जिविकोपार्जनमा सुधार ल्याउन दिइने तालिम तथा अन्य सहयोगबारेको बिधि प्रक्रिया निमार्णको जिम्मा दिएको छ ।
– यस्तै आर्थिक स्रोतको व्यवस्थापन बारेको कार्यविधीको मस्यौदा निमार्णको जिम्मेवारी ध्रुवप्रसाद शर्मालाई दिइएको छ ।
राजधानीका भूकम्पप्रभावितलाई दशैलगतै ५० हजार
सरकारले राजधानीका भूकम्प प्रभावितलाई दशै सकिए लगतैबाट घर निमार्ण अनुदानका लागि पहिलो किस्ताको ५० हजार रुपैंया दिने तयारी थालेको छ ।
काठमाडौं, भक्तपुर र ललितपुरका भूकम्प प्रभावितको सर्वेक्षण सकेर लाभग्राहीको सूचि समेत प्रकाशन गर्न सम्बन्धित गाबिस तथा नगरपालिकामा पठाइएको राष्ट्रिय पुनर्निमार्ण प्राधिकरणका प्रवक्ता रामप्रसाद थपलियाले जानकारी दिए ।
प्राधिकरणको शुक्रबार बसेको बैठकले राजधानीका भूकम्प प्रभावित लाभग्राहीको नामावली प्रकाशनको लागि गाबिस तथा नगरपालिकालाई निर्देशन दिएको छ ।
राजधानीमा ५४ हजार घरधनीको नाम स्वीकृत गरी सम्बन्धित नगरपालिका तथा वडा कार्यालयमा नामावली विवरण पठाइएको हो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon