साउदी अरेवियाका राजकुमारलाई मृत्युदण्ड
कार्तिक ३, २०७३- करिव चार दशक पछि पहिलो पटक सउदी अरेवियाको शाही परिवारका एक जना सदस्यलाई मंगलबार फाँसी दिइएको छ । उनलाई झगडाका बेला गोली हानी एक जना पुरुषको हत्या गरेको आरोप लागेको थियो ।
द न्यूयोर्क टाइम्सका अनुसार राजकुमार टर्की वीन साउद वीन टर्की वीन साउद अल–कवीरलाई रियादमा मृत्युदण्ड दिइएको साउदीका सरकारी समाचार संस्थाले जनाएको छ । यद्यपी कुन उपायबाट उनलाई मृत्युदण्ड दिइएको हो भन्ने कुरा उल्लेख गरिएको छैन । साउदी अरेवीयमा सार्वजनिक स्थानमा टाउको काटेर मृत्युदण्ड दिने चलन छ ।
यस घट्नाले साउदी अरेवीयका दुर्लभ सामाजिक सञ्जाललाई समेत तताएको छ । धेरै जसोले साउदी अरेवीयको न्याय प्रणालीमा कोही माथि नभएको उल्लेख गरेका छन्भने कतिपयले पश्चिमा मानव अधिकार संस्थाहरुले अलोचना गर्दै आएको मुस्लिम सारिय कानुनको निष्पक्षताको वकालत गरेका छन् ।
‘सबै भन्दा महत्वपूर्ण कुरा भनेको आम मानिसले कानुन सबैका लागि लागु हुने कुरा देखें । कानुनको नजरमा कोही साना र ठूला हुादैनन्’ साउदी अरेवियाका एक जना नामी वकिल अवदुल चहमान अल लहिमले ट्वीटरमा लेखेका छन् ।
मंगलबार दिइएको शाही परिवारको सदस्यको मृत्युदण्ड सन् १९७५ मा राजकुमार फाइसल वीन मसाइदलाई दिइएको मृत्युदण्ड पछिको पहिलो हो । फाइसललाई राजा फाइसलको हत्या अभियोगमा रियादमै टाउको छिनाइएको थियो । न्यूयोर्क टाइम्सले आफ्नो अर्काइभमा रहेको लेखको हवाला दिंदै त्यस बेलाको मृत्युदण्डलाई दश हजार मानिसले प्रत्यक्ष रुपमा चुपचाप हेरेको र टाउको छिनाएपछिभने ‘इश्वर महान छन्’ र ‘न्याय प्राप्त भयो’ भनेर कराएको उल्लेख गरेको छ ।
त्यसको केही बर्षपछि एक जना राजकुमारी र उनको पतिलाई बिबाहइत्तर सम्बन्धको आरोपमा मृत्युदण्ड दिइएको थियो । राजकुमारीले परिवारले छानेको व्यक्तिसंग बिहे गर्न अस्वीकार गरिएपछि पतिकै अगाडी गोली हानिएको थियोभने त्यसपछि उनको पतिको टाउको छिनाइएको थियो ।
साउदीका एक राजकुमारलाई उदृत गर्दै हाल मृत्युदण्ड दिइएका राजकुमार टर्की सन् १९३२ मा आधुनिक साउदी अरेवियाको स्थापना गर्ने राजा अवधुल्लजिज्को बंशज रहेको उल्लेग गरिएको छ । यद्यपी उनको मृत्युदण्ड कुन उपायबाट गरिएको र कति मानिसले हेरेको भन्ने जानकारी दिइएको छैन ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon