प्रचण्डले गराए संसारमा कहि नभएको ‘घटिया’ निर्णय, सर्वत्र विरोध र आलोचना
प्रचण्डकै प्रस्तावमा भारतीय राष्ट्रपति आउँदा विदा
काठमाडौं, ११ कात्तिक । प्रधानमन्त्री भएपछि लगातार विवादमा तानिदै आइरहेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ फेरि एकपटक फसेका छन् ।
विहीबार बसेको मन्त्रिपरिषद् बैठकबाट नेपाल आउन लागेका भारतीय राष्ट्रपतिको भ्रमणमा सार्वजनिक विदा दिने निर्णय गरेर प्रधानमन्त्री प्रचण्ड फसेका हुन् ।
उनको यो निर्णयलाई ‘संसारमै कहि नभएको घटिया’ भनेर टिप्पणी गरिएको छ । गतवर्ष भारतले नाकाबन्दी गरेर नेपाली दुःख दिएको स्मरण गर्दै सामाजिक सञ्जालमा अधिकांश नेपालीले सत्ता र आफ्नो स्वार्थका लागि भारतका राष्ट्रपतिको भ्रमणमा सार्वजनिक बिदा दिने निर्णय गरिएको आरोप लगाउँदै विरोध गरेका हुन् ।
प्रधानमन्त्री प्रचण्डले भारतसँगै चीनका राष्ट्रपतिको सम्भावित भ्रमणका लागि अहिले नै सार्वजनिक विदा दिने निर्णय गराएका छन् । भारतका राष्ट्रपति प्रणव मुखर्जी यही कात्तिक १७ गतेदेखि तीनदिने नेपाल भ्रमणमा आउँदै छन् ।
प्रचण्डकै प्रस्तावमा विदाको निर्णय
मन्त्रिपरिषद् स्रोतका अनुसार बिहीबारको बैठकमा भारत र चीनका राष्ट्र प्रमुख आउँदा सार्वजनिक विदा दिने प्रस्ताव प्रधानमन्त्री प्रचण्ड स्वयंमले गरेका थिए ।
भारत र चीनका राष्ट्रप्रमुखको नेपाल भ्रमण धेरै वर्षमा हुन भएकाले सार्वजनिक विदा दिनुपर्ने उनको प्रस्ताव थियो । नेपालको ट्राफिक व्यवस्थापन पनि राम्रो नभएको उनको तर्क थियो ।
सर्वत्र विरोध र आलोचना
प्रचण्ड सरकारको पछिल्लो निर्णयको सर्वत्र आलोचना र विरोध भइरहेको छ । उनलाई धेरैले गाली पनि दिएका छन् ।
केहीले ‘हाम्रा देशका राष्ट्रपति जाँदा भारतमा विदा हुन्न भने किन हाम्रोमा मात्र हुने। छिमेकी त बराबर हुन्छन् होइन र!’ भनी प्रश्न समेत गरेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon