मृत्युपत्रमा हस्ताक्षर गरेर ओलम्पिकमा पदक
भदौ २७
रियो – बेल्जियमकी प्यारालम्पियन मारिक भरभ्रुट मांशपेशीसम्बन्धि निको नहुने एक प्रकारको रोगबाट पीडित छिन् । सन् २००८ मा नै उनले इच्छामृत्यु (युथनेसिया) को पत्रमा हस्ताक्षर गरेकी थिइन् ।
तर, पनि उनी यस वर्षको प्यारालम्पिक्समा सहभागी हुँदै रजत पदक जितेकी छिन् । शनिबार ४ सय मिटरको ह्वीलचेयर रेसमा उनले सो पदक जितेकी हुन् ।
रियो प्यारालम्पिक्सपछि उनले इच्छामृत्यु बहन गर्ने चर्चा पनि चलेको थियो । तर, मारिकले भने आफ्नो तत्कालै कुनै त्यस्तो योजना नभएको बताएकी छिन् ।
पदक जितेपछि उनले भनिन्, ‘म अझै पनि हरेक पलको आनन्द लिइरहेको छु ।’
‘जब कुनै दिन राम्रो दिनभन्दा नराम्रा दिनहरु आउनेछन् । तब म मेरो इच्छामृत्युको पत्रलाई कार्यान्वयन गर्नेछु । तर, त्यो समय आइसकेको छैन,’ उनले भनिन् ।
बेल्जियममा युथनेसिया वैधानिक छ ।
वर्षीय मारिक ‘डिजेनेरेटिभ मसल डिजिज’ बाट पीडित छिन् । यसले उनको खुट्टामा निरन्तर पीडा र प्यारालाइसिस हुन्छ । पीडाकारण उनलाई सुत्न पनि गाह्रो हुन्छ ।
१४ वर्षको उमेरसमा नै उनलाई यो रोग लागेको थियो । त्यसपछि उनको जीवन ‘निरन्तर संघर्ष’ बनेको थियो ।
रोगका वावजुद पनि उनले प्यारालम्पिक्सको ह्वीलचेयर रेसमा आफ्नै पहिचान बनाएकी छिन् । सन् २०१२ को लण्डन ओलम्पिक्समा उनले सय मिटरमा स्वर्ण र २०० मिटरमा रजत पदक जितेकी थिइन् । उनले रियोमा थप एक रजत जितेकी छिन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon