भारतले गोर्खा भर्तीमा र अमेरिकाले डीभीमा मधेसीलाई समानुपातिक कोटा दिन्छ ?
काठमाडौं, २९ भदौ– भारतीय गोर्खा सैनिकमा पहाडे मुलका नेपालीलाई मात्रै नभइ मधेसी मुलका नेपालीलाई पनि भर्ती गर्न मधेसी मोर्चाका नेताहरुले माग गरेका छन् । आफ्नो भारत भ्रमणवारे सुझाव माग्न प्रधानमन्त्री पुष्पकमल दाहालले बोलाएको बैठकमा तराई मधेस सद्भावना पार्टीका अध्यक्ष महेन्द्र राय यादवले यस्तो माग गरेका हुन् ।
नेपालको संविधानले सबै जात जातिलाई सबै क्षेत्रमा समानुपातिक प्रतिनिधित्व नदिएको भन्दै मधेसी मोर्चाको आन्दोलनलाई भरण पोषण गर्दै आएको भारतसामु प्रधानमन्त्री दाहालले मोर्चाको माग फरवार्ड गरिदिए भने भारतले के गर्ला ? नेपालमा साम्प्रदायिक हिंसा भड्काउन मात्र मधेसी दल र केही जातिवादी दललाई प्रयोग गर्दै आएका भारतीय र पश्चिमाहरु आफैंतिर यो मुद्दा फर्किको छ ।
आफ्नो गोर्खा भर्तीमा पहाडी मुलका नेपालीको बहादुर विशेषता मात्रै योग्य भन्ला कि मधेसी समुदायलाईलाई ‘माया’ गरेको भारतले माग जायजै हो भनेर सम्बोधन गर्ला ? तर, अव जे भने पनि नेपालको जातीय विविधतालाई यहाँको अन्तरध्वंश, मारकाट र अस्थिरताका लागि मात्रै उपयोग गरेर ‘अधिकारको आन्दोलन’ चलाउँदै आएको भारत र उसका सहयोगी पश्चिमाहरुतिर पनि प्रश्न भने उठेको छ ।
‘भारतीय गोरखा रेजिमेन्टमा मधेसीहरुको समानुपातिक प्रतिनिधित्व हुनुपर्छ । भारतीय गोरखा सेनामा ५० प्रतिशत मधेसीको प्रतिनिधित्वबारे मोदीसँग कुरा गर्न मैले प्रचण्डलाई सुझाव दिएको छु’ यादवले आफूले प्रधानमन्त्री दाहाललाई दिएको सुझावबारे सञ्चारमाध्यममा भनेका छन् ।
समानुपातिक र समावेशी सिद्धान्त अंगालेको नेपालको संविधानलाई अपूर्ण भनेर मधेसी दल उचाल्ने भारतले अव भारतीय गोर्खामा मधेसी समुदायलाई ५० प्रतिशत कोटा छुट्याएर निवेदन आव्हान गर्छ कि गर्दैन ? अमेरिकाले खोल्ने डीभीमा ५० प्रतिशत मधेसी कोटा छुट्याउँछ कि छुट्याउँदैन ? यदि छुट्याउँदैन भने नेपालमा आगो सल्काउन कोरेको साम्प्रदायिकताको आगो भारततिर पनि सल्किन्छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon