एक सहचालकको प्रशंसनीय काम : जसले १० तोला सुनका गहनासहितको झोला फिर्ता गरे
भदौ २७ |
पोखरा– तपाईं–हामीले गाडीको सह–चालकलाई कसरी हेर्छौँ ? पक्कै पनि धेरैको नजर सह–चालकप्रति सम्मान गर्ने खालको हुँदैन । त्यसो त कहिलकाही सहचालकको व्यवहार त्यति राम्रो हुँदैन पनि । तर, पोखरामा एउटा यस्ता सहचालक भेटिएका छन्, जसले तपाईं हाम्रो मन नै छुने काम गरेका छन् ।gold-return
सह–चालक चन्द्र बहादुर क्षेत्रीले यात्रु बसमा भेटिएको झण्डै १० तोला बरावरको सुनको गहना सम्बन्धित ब्यक्तिलाई फिर्ता गरेर उदारणीय तथा प्रंशसीय काम गरेका छन् ।
बुटबलबाट पोखरा आउने क्रममा ग १ ख ३४२० नम्बरको बसमा चढेकी एक यात्रुले सामान छाडेकी थिइन् । त्यही थियो १० तोला बरावरको सुनको गहना । तर, ती सह–चालकको मनमा कुनै कालो थिएन । इमान्दारीपूर्वक पृथ्बी राजमार्ग बस सञ्चालक समितिका गए । त्यही मार्फत सम्बन्धित ब्यक्तिको जिम्मा लगाए ।
गत शुक्रवार वुटबलबाट पोखरा आउदै गरेको बसमा स्याङजाको गल्याङ्गबाट चढेकी केशरी पराजुली १२ किलोमिटर वर बाँयाटारीमा झरिन् । तर, उनले बहुमुल्य सामान सहितको झोला बसमै बिर्सिइन् । उनी ओर्लिन, बस आफ्नो बाटोमा अगाडि बढ्यो ।
केहीबेरापछि बस पोखराको पृथ्बीचोकस्थित बसपार्कमा आइपुग्यो । सबै यात्रु आ–आफ्नो समान लिएर झरे ।सहचालक क्षेत्रीले बस सफा गर्न लागे । यो उनको नियमति काम थियो । त्यहि बेला एउटा झोला फेला पारे उनले । झोला हेरे । परिचय पत्र भेट्टाए । त्यहाँ रहेको मोवाइल नम्बरमा फोन गरे । तर, अफ थियो ।
उनले झोला भित्र एउटा मंगलसुत्र, दुई वटा सुनको बाला, दुई वटा औठी, विच्छि र पाउजु सहित चुरा देखे । झोलामा रहेका सुनै सुनका गहनाले उनको मनमा कुनै कालो सोच आएन । तीन हजार नगद पनि थियो झोलामा र साथमा परिचय पत्र ।
बहुमुल्य समान देखेपछि चन्द्र बहादुर पृथ्बी राजमार्ग बस सञ्चालक समितिको कार्यलय आए । त्यहाँ यस्तो–यस्तो सामान छ भनेर बुझाए । बस स्याङजाबाट पोखरा आउदा सम्म कोहि कसैले आफ्नो सामान हराएको बारे खबर पनि गरेका थिएनन् ।
केशरीले बायाँटारीमा बस्ने आफ्ना जेठाजु भिम पराजुलीलाई खबर गरिन् । पराजुलीले समितिमा फोन गरे र सामान हराएको बारे जानकारी गराए ।
केहिवेरपछि झोला पाएको खबर आयो । सामान सकुशल भेटिएको जानकारी पाएपछि उनीहरु ढुक्क भए । र तीन दिन पछि आएर सामान लिए ।gold-return-2
समितिले सोमवार पत्रकार सम्मेलन गरी सामान हस्तान्तरण गरेको हो ।
सह–चालक क्षेत्रीले पराजुलीलाई बसमा भेटिएको सामान सहितको झोला हस्तान्तरण गरे । सामान फिर्ता गरे वापत उनलाई तत्काल पाँच हजार पुरस्कार प्रदान गरियो र खादा लगाएर सम्मान गरियो ।
स्याङजा सिर्सेकोट ९ की केशरी तीज मानेर गल्याङ माईतीबाट घर फर्कने क्रममा गहना झोलामा राखेर फर्केकी थिइन् ।
वहुमुल्य गहना लगाएर बस चढ्दा जोखिम हुने भएकाले उनले झोलामा रोखेको गहना छोडेकी थिइन् ।
समाजमा चन्द्रबहादुर जस्ता सवै हुने भए, देश त ‘रामराज्य’ नै हुन्थ्यो कि !
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon