युद्धविराम सुरु हुनु पहिले नै सुरु भयो सिरियामा हवाई हमला
भदौ २६ |
रुस र अमेरिकाले सिरियामा सोमबारबाट युद्धविराम लागु गराउन सहमति गरेको भोलिपल्ट भएको हवाई हमलाहरुमा परी एक सयभन्दा धेरै मानिसले ज्यान गुमाएका छन् ।
जेनेभामा अमेरिकी तथा रुसी विदेशमन्त्री बीच भएको उक्त युद्धविराम सहमति लगत्तै गरिएका हवाई हमलामा परी विद्रोही नियन्त्रित इडलिब शहरमा करिब ६० जना मारिएका खबर अन्तरराष्ट्रिय सञ्चार माध्यमहरुले जनाएका छन् ।
ती मध्ये धेरै तरकारी बजारमा किनमेल गर्न गएकाहरु रहेको बताइएको छ ।
यसै बीच रुस र अमेरिकाबीचको सहमतिलाई सिरियाली सरकार तथा विपक्षीहरुको मुख्य वार्ताकार समूह दुवैले अनुमोदन गरेका छन् ।
टर्की तथा यूरोपेली युनियन इयुले सहमतिको स्वागत गरे पनि त्यसलाई कार्यान्वयन गर्न निकै चुनौति हुने धारण उनिहरुले राखेका छन्।
सबभन्दा मुख्य चुनौति त थरी थरीका विद्रोही समूहहरुलाई युद्धबाट विमुख गराउनु हो। त्यसैले समस्या धेरै छन्, तर अत्यन्त अन्धकारको समयमा यो प्रकाशको एउटा सानो किरण चाहीं हो ।
तर विद्रोहीहरुलाई सहमतिमा ल्याउने कुरा त्यति सजिलो नभएको धारणाहरु पनि बाहिर आइरहेका छन् ।
यदि सहमति अनुरुप सोमबारदेखि कम्तीमा एक सातासम्म युद्धविराम लागु भए अमेरिका र रुसले इस्लामी विद्रोहीहरुविरुद्ध मिलेर हवाई हमला गर्ने बताइएको छ।
सम्बन्धित समाचार
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon