सिओल – दक्षिण कोरियाली सैन्य अधिकारीहरुले शुक्रबार उत्तर कोरियाले पाँचौ र अहिलेसम्मकै सबैभन्दा ठूलो परमाणु परिक्षण गरेको दाबी गरेका छन् । उत्तर कोरियाको परमाणु परिक्षण स्थल नजिकै ५.३ रेक्टर स्केलको भूकम्प मापन गरिएपछि दक्षिणले उक्त आशंका व्यक्त गरेको हो ।
यस विषयमा उत्तर कोरियाले कुनै प्रतिक्रिया दिएको छैन । तर, यसअघि त्यस क्षेत्रमा मापन गरिएको भूकम्प सबै परमाणु परिक्षण भएको पुष्टि भएको थियो ।
दक्षिण कोरियाली राष्ट्रपति पार्क गेउन हिले उत्तरको पछिल्लो कदमलाई किम जोङ उनको ‘आत्मघाती’ र ‘लापरवाह’ कदम भएको बताइन् । विदेश भ्रमण छोट्एर स्वदेश फर्कन लागेकी पार्कले किमको यो हर्कतले उत्तरमाथि थप प्रतिबन्ध लाग्ने बताइन् ।
दक्षिण कोरियाको योनहाप समाचार एजेन्सीले उत्तर कोरियाको सेना प्रमुखलाई उद्धृत गर्दै उत्तर कोरियाको पछिल्लो परिक्षण अहिलेसम्मकै सबैभन्दा ठूलो भएको बताएको छ ।
_87137325_017206694-1गत जनवरीमा गरिएको परिक्षणभन्दा दुई गुणा ठूलो बताइएको उक्त परिक्षणको शक्ति १० किलोटन भएको बताइएको छ । त्यतिबेला उत्तरले सफलतापूर्वक हाइड्रोजन बम परिक्षण गरेको दाबी गरे पनि त्यसको पुष्टि भने भएको छैन ।
भूकम्प मापन गर्ने अमेरिकी जियोलोजिकल सर्भेले पनि उक्त क्षेत्रमा मापन भएको भूकम्पको तरङ विस्फोटबाट भएको बताएको छ । तर, कस्तो विस्फोट भने खुलाएको छ ।
यसअघि, परमाणु परिक्षण क्षेत्रमा भूउपग्रहबाट खिचिएको तस्विरमा पाँचौ परिक्षणको तयारी भइरहेको देखिएको थियो ।
शुक्रबार उत्तरको राष्ट्रिय दिवस पनि हो । उत्तरले जहिले पनि यस्तो अवसरमा सैन्य शक्ति देखाउने गर्छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon