बाल बालिकालाई मुख मैथुन गराउन संलग्न नेपाली र अमेरिकी नागरिक पक्राउ
ठमेलमा बढ्दै बाल यौन दुराचार
भाद्र २६, २०७३- बाल यौन दुराचारको आरोपमा प्रहरीले अमेरिकी नागरिक सहित एक नेपालीलाई पक्राउ गरेको छ । प्रहरीको केन्द्रीय अनुसन्धान ब्युरोबाट खटिएको प्रहरीले ४८ वर्षीय अमेरिकी नागरिक कोनिक जोसेफ कन्मससँगै बुद्ध पुतवारलाई पक्राउ गरेको हो ।
गत अगस्टमा नेपाल आएका कन्मसलाई ठमेलको यम्बु होटलबाट पक्राउ गरिएको हो । बाल यौन दुराचार 'व्यवसाय' मा सक्रिय समूहले उक्त होटलमा आउने विदेशी नागरिकलाई बालबालिका उपलब्ध गराउँदै आएको छ भन्ने सूचनाको आधारमा प्रहरीले केही समययता होटलमाथि नगरानी बढाएको थियो ।
निगरानीपछि गत शुक्रबार प्रहरीले होटलमा छापा मारेको थियो । छापा मार्दा प्रहरीले करिव १२ देखि १६ वर्षका बालबालिक सहित कन्मस र पुतवारलाई पक्राउ गरेको ब्युरोका प्रवक्ता एसपी दिवस लोहनीले बताए ।
नेपाली दलाल पुतवारले यौन दुराचारको लागि बालबालिका खोजेर पठाउने र ती बालबालिकालाई ग्राहकले मुख मैथुन लगायतका यौन क्रियाकलाप गराउने गरेको लोहनीले बताए । एसपी लोहनीका अनुसार पुतवारले यौन दुराचारमा करिव ५० जना बालबालिका पठाइसकेका छन् । उनले भने, 'पुतवारले करिव ५० जना बालबालिकालाई यस्तो काममा लगाइसकेका रहेछन् । बालबालिकालाई यौन क्रियाकलापमा लगाइसकेपछि उनीहरुको भिडियो र फोटो समेत खिचेर राखिएको प्रारम्भिक अनुसन्धानमा खुलेको छ ।'
यसरी यौन दुराचारमा पठाइएका अधिकांश बालबालबालिका अभिभावकसँग बसेको रहेको भेटिएको छ । यसअघि यौन दुराचारमा बालगृह र सडक बालबालिका संलग्न रहेको पाइएको थियो ।
एसपी लोहनीले भने, 'यसअघि बालगृहमा स्वयंसेवकको रुपमा विदेशी नागरिक छिर्ने र बालगृहका बालबालिकालाई यौन दुराचार गर्ने गरेका थिए । यस्तै सडक बालबालिकालाई पैसा दिएर लोभ्याएर पनि यौन क्रियाकलापमा लगाउने गरेको पाइएको थियो । तर यो पटक नयाँ तथ्य बाहिर आयो ।'
यसरी यौन क्रियाकलापमा संलग्न बालबालिबालाई एक पटकको ३ हजार रुपैयाँसम्म दिने गरेको पाइएको छ ।
पीडित बालबालिकालाई जिल्ला अदालतमा लगि बयान प्रमाणित गरिसकिएको छ भने पुतवार र कन्मसलाई अनुसन्धानको लागि पक्राउ गरि न्यायिक हिरासतमा राखिएको छ ।
प्रकाशित: भाद्र २६, २०७३
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon