प्रेस स्वतन्त्रता सेनानीको ८८ औं जन्मोत्सव
भाद्र २७, २०७३- प्रेस स्वतन्त्रता सेनानी पत्रकार पन्नालाल गुप्त ‘चाचाजी’को ८८ औ जन्मोत्सव सोमवार नेपालगन्जमा मनाईएको छ ।
पत्रकारिता र प्रजातान्त्रिक आन्दोलनमा झण्डै चार दशक बिताएका चाचाजीको जन्म दिनमा प्रेस युनियन बॉकेले विशेष कार्यक्रम राखेको थियो । पत्नी कमलादेवीसहित उपस्थित उनले केक काटे । पत्रकार, राजनीतिक दलका नेता, सामाजिक अगुवा, उद्योगी व्यवसायीले चाचाजीलाई जन्म दिनको शुभकामना साथै सुस्वास्थ्य एवं दीघार्यूको कामना पनि गरे ।
जीवनमा पहिलोपल्ट केक काटेर जन्मोत्सव मनाएका गुप्ताले खुशी व्यक्त गर्दै नेपालगन्जको सामाजिक सदभाव र पत्रकारबीचको एकताको प्रशंसा गरे । गुप्तले किरण साप्ताहिक सम्पादन गर्दैआएका छन् । केही बर्षअघि सम्म उनी रिपोर्टिङ, सम्पादनदेखि व्यवस्थापनसम्मको काम एक्लै गर्थे । धेरैले उनलाई ‘वान मेन जर्नालिजम’को उदाहरणका रुपमा प्रस्तुत गर्थे ।
पत्रकारका लागि मात्र नभई सिंगो समाजकै लागि प्रेरणादायी व्यक्तित्व भएकाले औपचारिक रुपमा जन्मोत्सव मनाइएको कार्यक्रम संयोजक एंव प्रेस युनियन बॉकेका उपाध्यक्ष कृपाराम बाडियाले बताए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon