चार शिक्षकले निर्घात कुट्दा विद्यार्थी घाईते, प्रअले मागे माफी
भदौ २९ |
पोखरा – कास्कीमा चार शिक्षकको कुटाईवाट एक विद्यार्थी घाईते भएका छन् । कास्कीको पुरञ्चौरमा रहेको भारती भवन मावि कक्षा १० मा अध्ययनरत विद्यार्थी चुरुङ्गाका १५ वर्षीय अनिश गौतम आफ्नै शिक्षकहरुबाट कुटिएर घाईते भएका हुन् ।kutpit
ज्यामिति बक्स नल्याएको र लामो कपाल पालेको निहुँ बनाएर विद्यालयका प्रधानाध्यापक गोविन्द काफ्ले, शिक्षकहरु मीनराज ढुङ्गाना, धर्मदत्त अधिकारी र वासु तिवारीले अनिशलाई निर्घात कुटपिट गरेको पीडित पक्षले जनाएका छन् ।
शिक्षक वासु तिवारीले अनिशले कपाल लामो पारेका भन्दै कपाल नै खौरिदिएका थिए भने अन्य शिक्षकहरुले उनलाई लाईनमा पनि ढिलो आएको भन्दै धमाधम भकुरेको घाइेते विद्यार्थी गौतमका आफन्तले बताए ।
शिक्षकहरुको कुटाईवाट अनिशको वबंङ्गारा हल्लिएको छ । भने कान सुन्निएको छ । आफ्नै गुरुहरुवाट चुटिएर घाईते वनेका विद्यार्थी अनिश पश्चिमाञ्चल क्षेत्रीय अस्पतालमा उपचारका लागि पुगे पनि दाँत सुन्निएकोले पोखराकै चरक अस्पतालमा उनलाई रिफर गरेको जनाईएको छ ।
विद्यार्थी चुटिएर घाईते भई अस्पताल नै जानु परेपछि अविभावकहरुले गल्ती गर्ने शिक्षकको राजिनामाको माग गरेका छन् । तर विद्यालय व्यवस्थापन समितिसहित बसेको दुई पक्षीय वार्तामा प्रधानाध्यापक काफ्लेसहितको शिक्षकहरुले माफी मागेका छन् ।
घाईते विद्यार्थीको उपचार खर्च विद्यालयले जिम्मा लिने सहमाति भएपछि अविभावकरुले शान्त बनेका हुन् । यही भदौ २२ गते भएको सो घटना लुकाउन विद्यालय व्यवस्थापन समितिले प्रयास गरेको भएपनि अन्त्यमा आएर पर्दाफास भएको हो ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon