बहिर्गमित लडाकुको कार्यक्रममा प्रहरी हस्तक्षेप
भदौ २७
ललितपुर–सरकारले दिने भनेको २ लाख नदिनु भनेर सर्वोच्च अदालतले जारी गरेको अन्तरिम आदेशको विरोधमा वहिर्गमित लडाकुले ललितपुरको पुल्चोकमा गरेको कार्यक्रममा प्रहरी हस्तक्षेप भएको छ ।
सोमबार पुल्चोकमा रहेको युएनडीपीको कार्यालय अगाडि भएको धर्ना कार्यक्रममा प्रहरी हस्तक्षेप भएको हो । धर्ना चलिरहेको वेला एक्कासी प्रहरी हस्तक्षेप भएको वहिर्गमित जनमुक्ति सेना नेपाल केन्द्रीय संर्घष समितिका इन्चार्ज लालचन्द्र बिकले रातोपाटीलाई जानकारी दिए ।
प्रहरीले भने निषेधित क्षेत्रमा धर्ना बसेकाले सामान्य बल प्रयोग गर्नुपरेको बताएको छ । बर्हिगमित लडाकूका अध्यक्ष अर्जुन बुढाथोकीले प्रहरी हस्तक्षेपमा ५० जना बढीलाई प्रहरीले पक्राउ गरेको जानकारी दिए । उनीहरुलाई जावलाखेलस्थित प्रहरी परिसरमा राखिएको बताइएको छ ।
यसअघि पनि सो स्थानमा यस्ता खाले कार्यक्रम हुने गरेको कारण सो स्थान निषेधित क्षेत्र भएको वारेमा आफूहरुलाई थाहा नभएको कार्यक्रममा सहभागी भएका एक सदस्यले वताए ।
शान्तिपूर्ण धर्नामा वसेका पूर्व लडाकुको कार्यक्रममा प्रहरी हस्तक्षेप हुनु अमानवियताको पराकाष्ठा भएको माओवादी केन्द्रका नेता प्रकाश रोकायाले प्रतिक्रिया दिए ।
अयोग्य लडाकू मर्यादित ढंगले धर्ना बसेको भएपनि युएनका कर्मचारीले अशिष्ट व्यवहार गरेको आफूले देखेको माओवादी केन्द्रका नेता मणी थापाले बताए ।
लडाकूका मागहरु जायज हुँदाहुँदै आन्दोलनलाई कमजोर पार्न प्रहरी हस्तक्षेप गराइएको उनले आरोप लगाए ।
शान्तिपूर्ण प्रदर्शन गर्दै आएका बहिर्गमित लडाकुले आइतवार पनि माइतिघर मण्डलामा कार्यक्रम गरेका थिए ।
केपी ओली नेतृत्वको सरकारले वजेटमार्फत अयोग्य लडाकुलाई २ लाख दिने निर्णय गरेपनि उनीहरुलाई रकम दिन नहुने भन्दै सर्वोच्च अदालतमा रिट दायर भएको थियो ।
तर, अदालतले सो रकम दिने कार्य रोक्नका लागि अन्तरिम आदेश दिएपछि अयोग्य लडाकुहरु आन्दोलित भएका हुन् । उनीहरुले आफूहरुमाथि लगाइएको ‘अयोग्य’ को विल्लापनि खारेज गरिनुपर्ने माग राखेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon