काठमाडौं, ६ भदौ । भारतीय वामपन्थि बुद्धिजिवी तथा पत्रकार आनन्द स्वरुप वर्माले प्रधानमन्त्री प्रचण्डले भारतीय प्रधानमन्त्री नरेन्द्र मोदी समक्ष माफीनामा पठाएको बताएका छन् । कुनै समय माओवादी केन्द्रका अध्यक्ष तथा प्रधानमन्त्री प्रचण्डको नजिक रहेका वर्माले यस्तो धारणा राखेका हुन् ।
हिन्दुस्तान टाइम्सका पत्रकार प्रशान्त झाको लेख पढेपछि आफूलाई प्रचण्डबारे नयाँ कुरा थाहा भएको उनले सामाजिक सञ्जालमा लेखेका छन् ।
‘आजको हिन्दुस्तान टाईम्समा प्रकाशित प्रशान्त झाको रिपोर्टले थाहा पाएँ की, माओवादी नेता तथा प्रधानमन्त्री प्रचण्डले आफ्नो विशेष दूत तथा गृहमन्त्री विमलेन्द्र निधि मार्फत नरेन्द्र मोदीलाई आफ्नो अतितमा गल्ति भएको र आफूलाई खुला राजनीतिबारे अनुभव नभएको बताएका छन्,’ उनले सामाजिक सञ्जालमा प्रचण्डको सन्देश उदृत गर्दै लेखेका छन, ‘अबको समयमा यो कुराका ध्यान राखिने छ । अब यस्तो हुने छैन । भारतसँग राम्रो सम्बन्ध हुनेछ ।’
त्यस्तै वर्माले माओवादी अध्यक्षले ‘माफीनामा’ पठाएको खुलाशा समेत गरेका छन् ।
‘मोदीले प्रचण्डको माफीनामालाई तत्काल स्विकार गरेका छन्,’ उनले सामाजिक सञ्जालमा लेखेका छन् ।
वर्मा भारतबाट प्रकाशित चर्चित मासिक पत्रिका समकालिन तिसरी दुनियाँका सम्पादक हुन् । वर्माले नेपाली राजनीतिबारे दर्जनौं लेख लेखेका छन् । वाम राजनीतिमा उनी निकै चर्चित पत्रकार हुन् ।
केही दिनदेखि उपप्रधान तथा गृहमन्त्री विमलेन्द्र निधि भारत भ्रमणमा छन् । उनलार्इ प्रधानमन्त्री प्रचण्डले विशेष दूतकाे रूपमा भारत पठाएका हुन् ।
दियो पोस्ट बाट
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon