बुद्ध एयरमा स्याल ठोक्कियो
भाद्र २८, २०७३- मंगलबार साँझ । विराटनगरबाट आउँदै गरेको बुद्ध एयरको एटीआर ७२ विमान अवतरण गरेर कोटेश्वरतर्फको अन्तिम ट्याक्सी–वेबाट छिर्दै थियो । जहाजले एउटा स्याललाई ठोक्यो । स्याल ठाउँको ठाउँ मर्यो ।
गुडिरहेको विमानका चालक शैलेश महतले एयर ट्राफिक कन्ट्रोलरलाई आफ्नो जहाजले ट्याक्सी–वेमा पस्दै गर्दा स्यालसँग ठोकिएको जानकारी गराए । चालकको जानकारीपछि विमानस्थलको रात्री सिफ्टका कर्मचारी र शुरक्षाकर्मी घटनास्थल पुगे ।
बुद्ध एयरको उक्त विमान र यात्रुलाई केही भएन । बुद्ध एयरका प्रबन्धक रुपेश जोशीका अनुसार, चालकले धावनमार्गमा दुइटा स्याल ककपिटबाट चालकदलले देखेका थिए । तीमध्ये एउटा स्याल जहाजमा ठोक्किएर घटनास्थलमै मृत्यु भयो ।
यो घटनापछि त्रिभुवन अन्तर्राष्ट्रिय विमानस्थल मंगलबार दोस्रोपटक पुन: बन्द हुन गयो । विमानस्थलका प्रवक्ता प्रेमनाथ ठाकुरका अनुसार, बुद्ध एयरको विमानमा स्याल ठोकिएपछि विमानस्थल २२ मिनेट बन्द गर्नुपर्यो । ‘धावनमार्गमा रगतैरगत थियो, ७ बजेर ३१ मिनेटदेछि ७ बजेर ५३ मिनेटसम्म धावनमार्ग बन्द गर्नुपर्यो,’ उनले भने ।
यो घटनाका कारण ओमनको राजधानी मस्कटबाट काठमाडौं अवतरण गर्नै लागेको ओमन एयरको विमान भारतको लखनउ डाइभर्ट भयो । ‘जहाज होल्ड गर्न प्रयाप्त तेल थिएन, पाइलटले होल्डमा बस्नु भन्दा लखनउतर्फ जहाज फर्काए,’ ओमन एयरका काठमाण्डु एयरपोर्ट सर्भिस म्यानेजर भरत श्रेष्ठले भने । ‘होल्डमा बस्नका लागि आठ मिनेटभन्दा बढीका लागि इन्धन थिएन,’ श्रेष्ठले भने । यहीबेला कतारको राजधानीबाट आएको कतार र इतिहाद एयरलाइन्सका दुइटा विमान होल्डमा परेका थिए ।
पछिल्लोपटक विमानस्थलमा बढेको घाँसघारीका कारण स्यालको संख्या बढेको छ । विमानस्थल व्यवस्थापनले घास काट्ने कार्य नगरेका कारण स्याल लगायतका जंगली जनावरको गतिविधि बढेको एउटा विदेशी एयरलाइन्सका म्यानेजरले भने । ‘घाँस काटिदेउ भनेर धेरैपटक विमानस्थलका महाप्रवन्धक र प्राधिकरणका महानिर्देशकलाई भनिसक्यौं, कुनै सुनवाई नै ह्ँदैन, सानो घटनाका कारण अनेकौं आर्थिक दायित्व थपिने घटना दिनहुुँ भइरहेका छन्,’ ती स्टेशन म्यानेजरले भने ।
यसैबीच मंगलबारै नेपाल वायुसेवा निगमको जहाजको पाङ्ग्रा ब्रस्ट हुँदा एक घन्टा विमानस्थल बन्द गरिएको थियो ।
प्रकाशित: भाद्र २८, २०७३
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon