घडेरी सम्याउँदा झरेको पहिरोले अस्पताल जोखिममा
भाद्र २७, २०७३- नयाँ भवन निर्माणका लागि घडेरी सम्याउनेक्रममा पहिरो झरेपछि जिल्ला अस्पताल खोटाङ जोखिममा परेको छ । ठेकेदार कम्पनीले स्काभेटर लगाएर घडेरी सम्याउँदा पहिरो झर्न थालेपछि अस्पताल प्रशासन, शव परीक्षण गृह र दुईवटा शौचालय भवन जोखिममा परेको हो ।
भवन निर्माण गर्न लागिएको ठाउामा घडेरी सम्याउँदा पानी उब्जिएर पहिरो झर्न थालेपछि समस्या भएको ठेकेदार कुमार आचार्यले बताए । ‘एक्साभेटर लगेर सम्याउन थाले लगत्तै माथिल्लो भाग बगेर झर्न थाल्यो ।’ आचार्यले भने, ‘लगातार पहिरो झरेपछि अहिले काम रोकिएको छ ।’
पहिरोका कारण खर्च बढ्ने भएकाले रकम थप गरिनु पर्ने आचार्यले बताए । पहिरो झर्नेक्रम नरोकिए पछि जल उत्पन्न डिभिजन कार्यालयको सहयोगमा जाली हाल्ने काम गरेपनि नरोकिएपछि झनै समस्या भएको जनाइएको छ ।
पहिरोले अस्पताल प्रशासनको जगसमेत तानेर लगेपछि दैनिक कामकाजमा समस्या भएको जिल्ला जनस्वास्थ्य कार्यालय खोटाङका प्रमुख चिकित्सक रामबहादुर केसीले बताए । अस्पताल परिसर भित्र पहिरो झरेपछि सहायक प्रमुख जिल्ला अधिकारी दिनेश कुमालको रोहबरमा जिल्ला प्रहरी कार्यालयले सर्जमिन मुचुल्का तयार गरेको छ ।
दुई वर्षभित्र निर्माण सम्पन्न गरेर अस्पताललाई बुझाउनेगरि सम्झौता भएको भवन अढाइतले हुने सहरी विकास भवन डिभिजन शाखा कार्यालय खोटाङका प्रमुख इन्जिनियर भुपाल मगरले बताए । कार्यालय प्रयोजनका लागि बनाउन लागिएको भवन खानी निर्माण सेवा प्रा.लि.ले ठेक्का पारेको हो ।
सहरी विकास भवन डिभिजन कार्यालय उदयपुरको दुई करोड ३६ लाख रुपैयाँ लगानीमा भवन निर्माण गर्न लागिएको अस्पताल विकास समितिले जनाएको छ । वि.सं. २०४८ सालमा स्थापना भएको जिल्ला अस्पताल खोटाङमा हाल भवन अभाव हुँदा समस्या रहेको विकास समितिका अध्यक्ष नारायण जोशीले जनाए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon