काठमाडौ– एमालेका अध्यक्ष केपी ओली नेतृत्वको सरकारले घोषणा गरेको मृगौला पिडितलाई राज्यले दिने भनेको निशुल्क उपचार सेवा कार्यन्वयन नहुँदा बिरामीहरु मर्कामा परेका छन् । मृगौला पिडितको निशुल्क उपचार गर्ने घोषणामा मात्रै सिमित हुँदा उनीहरु लाखौँ पैशा तिरेरै उपचार गर्नुपर्ने बाध्यतामा छन् ।
यस्तै समस्याका पिडित गोरखाका मृगौला पिडित एकजना बिरामी काठमाडौमा साथिभाईको सहयोगमा उपचार गराई रहेका छन् ।pidit-gurung
साथिभाईहरु पढन–लेख्न कोही काठमाडौ, कोहि चितवन त कोही विदेश गएका बेला आजभन्दा करिब ५ बर्ष अघि पाँचखुवा देउराली वडा नं ३ गोरखाका लाल बहादुर गुरुङ भने घरको आर्थिक स्थितीले जिवन गुजारा गर्नै गाह्रो भएपछि पासपोर्ट बनाएर धन कमाउन कतार हान्निए । चर्को गर्मिमा काम गर्दागर्दै बिरामीले थला परेपछि त्यहिँको अस्पतालमा चेकजाँच गर्दा उनलाई मृगौलाको समस्या भएको रिपोर्ट आयो । काम गरिरहेको कम्पनी अल्सारीले गुरुङ सिकिस्त बिरामी भएपछि उपचार गर्नुको सट्टा नेपाल पठाइ दियो ।
पराईको देशमा विकल्प नभएपछि गुरुङ नेपाल फर्किए र पुनः राष्ट्रिय मृगौला उपचार केन्द्र बनस्थलीमा चेकजाँच गराए । रिपोर्टमा दुईवटै मृगौला खराब भएको र छिटो भन्दा छिटो प्रत्यारोपण गर्नु पर्ने देखियो । आर्थिक अवस्था निकै कमजोर भएको गुरुङको उपचारका लागि हप्तामा दुई पटक डायोलोसिस गर्नु पर्ने देखियो । त्यसका लागि हप्तामा करिब १५ हजार भन्दा बढी खर्च अस्पताललाई बुझाउनु परेको उनलाई उपचारमा सहयोग गरिरहेका जयराज अंगाईले बताए । “वहाँको आर्थिक अवस्थाले यो धान्ने निकै गाह्रो छ,” गुरुङलाई उपचारमा सहयोग गरिरहेका उनले भने “अस्पतालले पनि निशुल्कको प्रक्रिया नपुगेको भन्दै पैशा माग्छ । उपचार गराउनै प¥यो, तर पैशा छैन ।”
नाबालक दुई छोरी र श्रीमतीको समेत लालनपालन गर्नु पर्ने जिम्मेवारी भएका उनको आफ्नै उपचार खर्चमा समस्या भएपछि निकै कठिनाई भएको गुरुङलाई उपचारमा सहयोग गरिरहेका अंगाईले सहयोगको लागि पनि अपिल गरि रहेका छन् ।
अहिले गुरुङको उपचारमा “मातृभुमीका लागि युवा अभियान गोरखा”, समाजसेवी देबी अंगाई लगाएतले पनि सहयोग गरिरहेकाछन् । उनको उपचारका लागि आर्थिक सहयोग गरिदनका लागि सम्पर्क मोबाइल न. ९८५११९९२०३ तथा ९८५१२३५६९४ मा सम्पर्क गरि उपचारमा सहयोग गर्न अपिल गरेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon