'विशिष्ठका नाममा राज्यले उपचारका लागि दिँदै आएको अनुदान रोक्नुपर्छ'
भाद्र २५, २०७३- स्वास्थ्य तथा जनसंख्या मन्त्री गगन थापाले आर्थिक अभावकै कारण उपचार नपाएर अब कसैले पनि मर्नु नपर्ने बताएका छन् ।
शनिबार नेपाल स्वास्थ्यकर्मी संघ भक्तपुरले आयोजना गरेको वीपी कोइरालाको १०२ औं जन्मजयन्तीको अवसरमा आयोजित ‘विपिको समाजवाद र नेपालको स्वास्थ्य सेवा विषयक’ विचार गोष्ठीको उद्घाटन गर्दै मन्त्री थापाले उक्त धारणा व्यक्त गरेका हुन् ।
शिक्षण अस्पतालमा उपचारत मृगौलापीडितले आर्थिक अभावकै कारण झ्यालबाट हाम्फालेर आत्माहत्या गरेको सन्दर्भ जोड्दै मन्त्री थापाले भने, ‘आर्थिक संकट कै कारण कोही पनि नेपालीले उपचार नपाएर मर्नुपर्ने अवस्थाको अन्त्य हुनुपर्छ, म त्यसका लागि लड्छु ।’
ठूला र विशिष्ठका नाममा राज्यले उपचारका लागि दिँदै आएको अनुदान रोक्नुपर्ने बताउँदै मन्त्री थापाले भने, ‘अन्यथा आमनागरिकलाई पनि अनुदानको व्यवस्था गर्नुपर्छ ।’ नेपाल मै गुणस्तरीय अस्पताल र राम्रा डाक्टर भएको चर्चा गर्दै मन्त्री थापाले नेपाल कै अस्पतालले उच्चस्तरीय सेवा दिन सक्षम भएको बताए ।
कार्यक्रममा मन्त्री थापाले आगामी तीन महिना भित्रै स्वास्थ्य बिमालाई कानुनी रुपमा पारित गर्ने पनि दाबा गरे । उनले खटाएका ठाउँमा नजाने चिकित्सक तथा कर्मचारीलाई कारवाही गर्ने पनि बताए ।
नेपालमा मातृ तथा बाल मृत्यु दर घटाउनमा स्वास्थ्य स्वयंसेविकाहरुको ठूलो भूमिका रहेको बताउँदै मन्त्री थापाले भने, ‘स्वास्थ्य स्वंमसेविकाको सेवा सुविधा बढाउन प्रतिबद्ध छु ।’
प्रकाशित: भाद्र २५, २०७३
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon