एनजीओको धर्म प्रचारमा रोक नलगाउन महासंघको चेतावनी
२४ भदौ, काठमाडौं । नेपालका क्रिश्चियन धर्मावलम्बीहरुको राष्ट्रिय भेलाले राज्यका सबै निकायमा क्रिश्चियन समुदायको समानुपातिक समावेशी प्रतिनिधित्व सुनिश्चित गर्न माग गरेको छ ।
सरकारले मधेसी मोर्चाको मागबमोजिम संविधान शंसोधन प्रस्ताव तयार गर्नै लागेका भेला राष्ट्रिय ख्रिष्टियन महासंघले क्रिश्चियनहरुको समानुपातिक प्रतिनिधित्व संविधान र कानुनमै सुनिश्चित हुनुपर्ने माग राखेको हो ।
काठमाडौंमा दुईसम्म चलेको भेलाले क्रिश्चियन धर्म प्रचारमा अवरोध नगर्न सरकारलाई चेतावनी दिएको छ । ख्रिष्टियन महासंघले धर्म प्रचार वा त्यससम्बन्धी गतिविधि सञ्चालन गर्ने गैरसरकारी संस्थाको परियोजना स्वीकृत नगर्न भनी सरकारले जारी गरेको परिपत्र खारेजीको मागसमेत गरेको छ ।
क्रिश्चियन समदुायद्वारा सञ्चालित बालगृहहरुलाई धर्म प्रचारको नाममा झूठा मुद्दा लगाउने र धरपकड गर्ने काम भइरहेको भन्दै महासंघले चर्चहरुमा अनुमतिविना प्रहरी प्रवेशको बिरोध गरेको छ ।
त्यस्तै धर्म परिवर्तनलाई फौजदारी कसुरका रुपमा राख्ने गरी हालै प्रस्तावित फौजदारी ऐनको धारा १५६ खारेजीको माग गरिएको महासंघका अध्यक्ष सीबी गहतराजले बताए ।
महासंघले क्रिसमसमा क्रिश्चियनलाई मात्रै सार्वजनिक बिदा दिने निर्णयको विरोध गर्दै देशभर बिदा दिइनुपर्ने भनेको छ । त्यस्तै क्रश्चियन समुदायको पर्व इष्टर सण्डेलाई राष्ट्रिय पर्वका रुपमा स्वीकार गरी सार्वजनिक विदा दिन माग गरिएको छ ।
नेपालभर रहेका सबै चर्चहरुलाई स्वतन्त्र गुठीका रुपमा व्यवस्था गरी राष्ट्रिय ख्रिष्टियन आयोग गठनको माग समेत महासंघले गरेको छ । साथै राज्य कोषबाट खि्रष्टियन समुदायका लागि बजेट छुट्याउन माग गरिएको छ ।
दशैं-तिहारका बेला प्रचार आन्दोलन
आफ्ना माग पूरा गराउन ख्रिष्टिय महासंघले सांकेतिक आन्दोलनका कार्यक्रमसमेत सार्वजनिक गरेको छ । जस अनुसार भदौ २६ गते देशभरका मण्डलीहरुमा प्रार्थना गर्ने तथा असोज ३ गते वृहत प्रार्थना सभागर्ने कार्यक्रम राखिएको छ ।
त्यस्तै असोज ४ गते सबै जिल्ला प्रशासनहरु मार्फत प्रधानमन्त्री र गृहमन्त्रीलाई ज्ञापनपत्र बुझाउने कार्यक्रम छ । हिन्दूहरुले दशैं तिहार मनाइरहेका बेला क्रिश्चियनले भने असोज ४ देखि मंसिर १ गतेसम्म देशभर बिभिन्न प्रचारात्मक आन्दोलन र हस्ताक्षर अभियान सन्चालन गर्ने भएका छन् ।
यसैबीच काठमाडौंमा दुई दिन चलेको महाधिवेशनले सीबी गहजरातको अध्यक्षतामा ख्रिष्टियन महासंघको नयाँ नेतृत्व चयन गरेको छ ।
२०७३ भदौ २४ गते ११:०७ मा प्रकाशित
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon