एमालेमा सल्कीदै भुसको आगो ! यस्तो छ विभाजनको खतरा
२९,भदौ,काठमाण्डौं । यो साता एमाले अध्यक्ष केपी ओली र वरिष्ठ नेता झलनाथ खनालले पार्टी विभाजन हुनसक्नेतर्फ संकेत गरे । फरक–फरक कार्यक्रममा सहभागि ओली र खनालले यहाँसम्मकी पार्टी विभाजन हुनबाट रोक्नका लागि कार्यकर्तासंग गुहार मागे ।
पार्टी कस्ले र किन विभाजन गर्दैैछ भन्ने चाही खुलाउन चाहेनन् । तर संकेत प्रष्टै थियो अब लामो समय ओली र माधव नेपाल एउटै पार्टीमा रहन सक्दैनन् । यसको संकेत हो गत साता भएको एक कार्यक्रम । शुक्रवार राजधानीमा एमालेको केन्द्रीय युवा तथा खेलकुद विभागलेले आयोजना गरेको कार्यक्रममा प्रमुख अथिति थिए एमाले अध्यक्ष केपि शर्मा ओली । जहाँ ओलीले आफुलाई नम्बर वान राष्ट्रवादी भएको गफिस दिइरहेका थिए । के त्यसो भए एमालेका अरु नेता राष्ट्रवादी होइनन ?
ओलीको सम्बोधनको सुरुको वाक्य थियो, ‘नेपालीहरुमा स्वाभिमानको चेतना पहिला भन्दा धेरै माथि उठेको छ ।’ सम्बोधन अधिकांस समय भारतको विरुद्ध बोलेर ताली बटुलेका थिए उनले । उनको राजीनामा पछि बनेको प्रचण्ड नेतृत्वको सरकार पनि भारतले नै बनाइ दिएको व्यङ्ग समेत गरे । उनले प्रधानमन्त्रीको संसदमा गरेको संबोधनलाई पनि अरुले बनाइ दिएको भन्नसमेत पछि परेनन् ।
तर ओलीका पछिल्ला अभिव्यत्ती र व्यावहारले एमालेलाई भने विभाजनको बाटोमा लग्दैछ । एकजना एमाले पोलिटव्युरो सदस्य भन्छन–‘ओली कमरेड पार्टीको भन्दा गुटमा रमाउन खोज्नु भो,एमाले यसैले संकटमा फस्यो । ’ त्यसो त ओली र माधव नेपालविच धेरै कुरामा विमती छ । तुलनात्मक रुपमा सालिन मानिने माधव नेपाल र ओलीविचको दृष्टिकोणमै समस्या देखिन थालेको कतिपयको वुझाई छ । सबैभन्दा ठुलो समस्या ओली र नेपालविच मधेसलाई हेर्ने दृष्टिकोणको हो ।
भारतलाई गाली गर्दैमा कसरी राष्ट्रवादी ?
नेपालमा पछिल्लो समय भारतलाई गाली गर्ने राष्ट्रवादी हुने अरु भारतनिकट हुने गज्जबको प्रचार छ । एमाले अध्यक्ष ओली त्यसैका एक पात्र हुन् । उनले राष्ट्रवादका कुरा गरिरहदा महाकाली देखि टनकपुर सन्धिले ओलीलाई नै गिज्ज्याइरहेको छ । आफु प्रधानमन्त्री हुदा लिपुलेक सम्झौताबारे चर्चासमेत नगरेका ओलीले भारतविरोधी भाषण गरेकै कारण आफु राष्ट्रवादी भएको तर्क गरिरहेका छन् ।
तर त्यसो होइन । भारतलाई गाली गर्ने र चीनसंग रमाउने, चीनलाई गाली गर्दै भारतसंग रमाउने यो दुवै प्रवृती नेपालका लागि घातक छ । त्यसैले पनि पूर्व प्रधानमन्त्री समेत रहेका माधव नेपालले पार्टी नेतृत्वको कारण भारतसँगको सम्बन्ध खराव हुँदै गएको महसुस गरेका छन् ।
ओलीले सरकार र पार्टीलाई गुटको रुपमा चलाएको भनेर नेपालले संसदमा बोल्दा नै असन्तुष्टि राखेका थिए । त्यसो त पछिल्लो समय नेपाललाई एमालेमा ओली पक्षधरहरुले भारतीय दलालसम्मको तल्लो तहको शब्द प्रयोग समेत गर्न थालेका छन् । यसले एमालेमा गुटको राजनीति विभाजनको दिशामा गएको प्रष्ट देखिन्छ ।
को नेता कतातीर
एमालेमा मुलतः ३ गुट छन् । सतहमा २ गुट देखिएपनि ओली,नेपाल र वामदेव गौतमका ३ गुट नै एमालेमा सक्रिय छन् । तर वामदेव गौतमले गुट चलाएपनि उनले छुट्टै भेला वा समारोह गर्दैनन् ।
गौतम एमालेका निर्णायक नेता मानिन्छन् । उनले चाहेमा जतासुकै पनि बहुमत पुग्न सक्छ । त्यसैले उनले एमालेको नवौ माहाधिवेशनमा ओलीललाई सधाएका थिए । तर ओलीले गौतमलाई संसदीय दलको नेता,नभए राष्ट्रपतिको उम्मेदवार बनाउने बाचा पुरा गरेनन् । यहाँसम्मकी अध्यक्ष निर्वार्चीत भएपछि उनले वामदेवसंग सल्लाह समेत लिन छाडे । त्यहीबाट बामदेव गौतम ओलीसंग टाढीए ।
संयोगले नेपाल र गौतमको निकटता वढायो । अहिले एमालेमा गुटको समीकरण हेर्दा ओली समुहमा विष्णु पौडेल,इश्वर पोखरेल,शंकर पोखरेल छन् भने नेपाल समुहमा झलनाथ खनाल,वामदेव गौतम,भीम रावल लगायतका प्रभावशाली नेताहरुको बाहुल्यता छ । यसले अब ओली समुह विस्तारै कमजोर बन्दै जाने कतिपयको विश्लेषण छ ।
एमाले नेता माधवको सक्रियता
एमालेभित्र पछिल्लो पटक गुटको राजनीति बढेको छ । ओली भारत र प्रचण्ड सरकारप्रति निकै आक्रमक रुपमा प्रस्तुत भइरहेका छन् । तर, नेपालले चाहिँ सम्बन्ध सुधारमा पहल थालेको जस्तो देखिन्छ । सम्बन्ध थप खराव नहोस् माधव नेपाल सक्रिय देखिन्छन् । प्रधानमन्त्री प्रचण्डले दिल्ली भ्रमणका एजेण्डाबारे छलफल गर्न डाकिएका पुर्व प्रधानमन्त्रीहरुमा ओली नजानु र माधव नेपाल लगातार भेट गर्न पुगिरहनुलाई संयोग मात्रै मान्न सकिन्न् ।
निउज सेवाबाट साभार
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon