नेपाली उडड्यन आकाशको हिरो क्याप्टेन लामा
काठमाडाैं : नेपाल वायुसेवा निगमको ए–३२० लुम्बिनी एयरबस निर्धारित समयअनुसार मंगलबार पौने १ बजे काठमाडौं अवतरण गर्दै थियो। जसमा परराष्ट्रमन्त्री डा.प्रकाश शरण महत सहित १८५ यात्रुहरू थिए। भारतको राजधानी नयाँदिल्लीबाट काठमाडौँ आउँदै गरेको नेपाल वायुसेवा निगमको चालक दलका प्रमुख थिए, क्याप्टेन विजय लामा । साथमा थिए, क्याप्टेन सञ्जय पौडेल। यो विमान निगमले ०७२ बैसाख १८ गते जर्मनबाट ल्याएको दोस्रो एयरबस हो ।
ल्याण्डिङ’ गर्ने बेलासम्म नयाँदिल्लीबाट कुनै खराबी विना उडेको जहाजमा समस्या छ भन्ने कुनै जानकारी नै थिएन क्याप्टेन लामालाई । क्याप्टेन लामाले अरु बेला जहाजलाई त्रिभुवन अन्तर्राष्ट्रिय विमानस्थलमा अवतरण गराउने तयारी गरेको थिए । चापागाउँ माथिको आकाशबाट अवतरण अनुमति माग्दासम्म क्याप्टेन लामाले कुनै पनि त्यस्तो असहज महसुस समेत गरेका थिएन । तर जब जहाजका पाङ्ग्राले जसै धावनमार्ग छोयो । विमानस्थलको ड्युटीमा रहेका विवेक थापा र सविता केसीले जहाजको पाङ्ग्रा पड्किएको सुचना दियो ।
जहाज अवतरण गरेर पहिलो नम्बरमा रहेको अल्फा ट्याक्सी–वेबाट पार्किङ–वेमा आउँदै गरेको बेला जहाजको पछाडिको बायाँतर्फको एउटा पाङ्ग्रा काम नलाग्ने गरी ब्रस्ट (फुटेको) थियो । यो सुचना पाउने बित्तिकै क्याप्टेन लामाले बढो सावधानीको साथ विमानलाई आकस्मिक रूपमा रोकेर जहाज र यात्रुलाई बचाए । त्यसो त टावरबाट जानकारी आउन अघि यो बारे चालक दललाई केही जानकारी नै थिएन ।
आकस्मिक घटनामा चालकदलको भुमिका अत्यन्तै महत्वपूर्ण हुन्छ। चालक दलको सदस्यले सही निर्णय गर्न सकेन भने दुर्घटना हुनसक्छ। क्याप्टेन लामा र पौडेलले सही र सचेत निर्णय गरेर जहाजलाई दुर्घटना हुनबाट बचाए । क्याप्टेन लामाका अनुसार समयमै टावरले जानकारी नदिएको भए जे पनि हुनसक्थ्यो।
क्याप्टेन लामा विमानस्थलको ड्युटीमा विवेक थापा र सविता केसीले दिएको सुचनाको कारण ठुलो दुर्घटनाबाट बचेको बताउँछन् । उनी भन्छन्, ‘यदि उहाँहरुले सूचना नदिनुभएको भए निकै ठूलो दुर्घटना हुने थियो ।’ उनीहरुले सावधानी अपनाउँदा १ सय ५० जना यात्रुसहितको नेपाल वायुसेवा निगमको विमानलाई सकुशल अवतरण गराउन सफल भएको उनको भनाई छ ।
क्याप्टेन लामा राष्ट्रिय ध्वजाबाहक एयरबस —ए३२० उडाउँछन् । यसले नयाँदिल्ली, हङकङ, बैंकक, मुम्बई र बैग्लोरमा उडान भरिरहेको छ । १५० जना यात्रु क्षमताको नेपाल एयरलाइन्सको एयरबसमा क्याप्टेन हप्ताको ६ दिन आकाशमै बिताउँछन् । नेपाली उडड्यन आकाशमा नेपाली राष्ट्रिय एयरलाइन्सको प्रमुख विमानको क्याबिन क्र्यु को महत्वपूर्ण खम्बा नै हुन् क्याप्टेन लामा । कहिलेकाही नेपाली चलचित्रमा ‘भिलेन’को भुमिकामा समेत देखिने क्याप्टेन लामा नेपाली आकाशको भने हिरो हुन् । उनीसँगै ६ जना अरु नेपाली पाइलट छन् जो एयरबस उडाउने क्षमता राख्छन् ।
पाङग्रा ब्रस्ट भएको विमान
निगमका प्रवक्ता रामहरि शर्माका अनुसार अवतरणका क्रममा जहाजको पछिल्लो टायर पड्कन पुगेको थियो । निगमको एयरबस ३२० लुम्बिनी जहाजलाई आज मध्याह्न १२ः४५ बजे अवतरण गर्न खोजिँदा यस्तो घटना भएको हो । टायर पड्केको भए पनि सहज रुपमा अवरण गरिएको र यात्रु तथा चालक दलका सदस्य सुरक्षित रुपमा बाहिर निकालिएको प्रवक्ता शर्माले जानकारी दिए ।
भण्डारणमा जगेडा टायर रहे आजै साँझसम्म टायर मर्मत गर्न सकिने र नभए बुधबारदेखि अपराह्नसम्म आयात गरेरै भए पनि फेरिने उनले बताए । धावनमार्ग मै जहाज रहेका कारण केही समय आन्तरिक तथा बाह्य उडानमा समस्या आएको त्रिभुवन अन्तर्राष्ट्रिय विमानस्थलले जनाएको छ ।
यसअघि गत आइतबार भारतको राजधानी नयाँदिल्लीमा निगमकै अर्को जहाज एयरबस ए ३२० सगरमाथा जहाजको पनि टायर पड्केको थियो । उक्त जहाज हाल मर्मतको क्रममा रहेको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon