सुख्खा पहिरो खस्दा लोकमार्ग अवरुद्ध
सिन्धुली- सुख्खा पहिरोले मध्य पहाडी लोकमार्गको सिन्धुली सडकखण्ड अवरुद्ध भएको छ । सिन्धुलीको कुहिरे भिर ढाँडेडाँडास्थित मध्य पहाडी लोकमार्गमा माथिबाट सुख्खा पहिरो निरन्तर खस्दा राजमार्ग अवरुद्ध हुन पुगेको हो ।
मध्य पहाडी लोकमार्गअन्तर्गत सिन्धुलीको खाङ्साङ गाविस–१ मा पर्ने कुहिरे भिर ढाँडेडाँडामा खसेको पहिरोले यातायात सञ्चालनमा अवरोध पु¥याएको छ ।
आइतबार दिउँसो झन्डै ३ बजेदेखि अचानक खस्न सुरु गरेको सुख्खा पहिरो आजसम्म पनि निरन्तर खसिरहेको जिल्ला प्रहरी कार्यालय, सिन्धुलीका प्रहरी निरीक्षक निर्मल पनेरुले जानकारी दिए । हिजैदेखि पहिरो पन्छाउने कार्य सुरु गरिएको भए पनि माथिबाट ढुङ्गामाटो झर्ने क्रम नरोकिँदा पहिरो पन्छाउन समस्या भइरहेको उनले बताए ।
कुहिरेभिर ढाँडेडाँडामा सुख्खा पहिरो जाँदा हुन सक्ने सम्भावित दुर्घटनालाई रोक्न र पहिरो पन्छाउन अस्थायी प्रहरी पोष्ट खाङ्साङबाट प्रहरी टोली परिचालन गरिएको जिप्रका, सिन्धुलीले जनाएको छ ।
यस्तै लोकमार्गमा खसेको पहिरो पन्छाउन प्रहरी टोली र सरोकारवाला निकायसँग समन्वय गरी जेसिभीको सहयोगमा केही पहिरो पन्छाइएको छ ।
आइतबारदेखि खसिरहेको पहिरोका कारण सिन्धुलीदेखि घुर्मीका साथै राजधानीबाट घुर्मी, खोटाङ, ओखलढुङ्गा, सोलुखुम्बु हिँडेका यात्रु विचल्लीमा परेका छन् । यस्तै घुर्मी, खोटाङ, ओखलढुङ्गा, सोलुखुम्बुलगायतका स्थानबाट राजधानी हिँडेका यात्रु पनि अलपत्र परेका छन् ।
यस्तै आज बिहानैदेखिको अविरल वर्षाका कारणसमेत मध्य पहाडी लोकमार्गको अन्य स्थानमा पहिरो खसेको छ । सडकको माथि पहाडबाट पहिरो खस्दा लोकमार्ग अन्य स्थानमा पनि अवरोध भएको जिप्रका, सिन्धुलीले जनाएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon