मिडिया एनपीप्रकाशित मिति: सोमबार, भदौ २०, २०७३१०:२९0
काठमाडौं, २० भदौ । फिलिपिन्सका राष्ट्रपति रोड्रिगो डुटर्टेले आफ्नो देशको आतंकवादी संगठनलाई समाप्त पार्न गोर्खा सैनिक ल्याउन लागेको बताएका छन् । केही दिनअघि फिलिपिन्सको डेभाओ सहरमा भएको आतंकवादी हमलापछि राष्ट्रपति रोड्रिगोले यस्तो जानकारी दिएका हुन् ।
फिलिपिन्स आतंकवादी संगठन अबु सयाफको आतंकबाट गुज्रिरहेको छ । हरेक दिनजसो देशका कुनै न कुनै सहरमा आतंकवादी हमला भई व्यापक धनजनको क्षति हुन थालेपछि फिलिपिन्सका राष्ट्रपति रोड्रिगोले राष्ट्रिय सुरक्षा अधिकारी र मन्त्रिपरिषद् बैठकमा गोर्खा सैनिक ल्याउने जानकारी दिएका हुन् । । ‘अबु सयाफसँग लड्न म गोरखा सैनिक ल्याउँदैछु,’ राष्ट्रिय सुरक्षा अधिकारी र मन्त्रिपरिषद् बैठकमा रोड्रिगोले भने ।
gorkha
फिलिपिन्सको चर्चित अनलाइन पत्रिका पिनोय ट्रेडिङ अनुसार गोर्खालीहरू ‘मर्न र मार्न’ नडराउने भएकाले अबु सयाफको अन्त्य उनीहरूबाट मात्र सम्भव हुने राष्ट्रपतिको भनाइ छ । ‘भाग्नु भन्दा मर्नु जाति’ भन्ने सिद्धान्तका आधारमा गोर्खालीले युद्ध लड्ने भएकाले उनीहरूलाई ल्याउन राष्ट्रपतिले पहल थालेको जनाइएको छ ।
gorkha-3
‘उनीहरू पुरानो हतियार खुकुरीको भरमा हजारौंँसँग लड्न सक्छन्, एक गोरखा सैनिकले अफगानिस्तानमा ३० जना तालिवानलाई खुकुरीको भरमा एक घन्टामा हत्या गरेका छन्,’ राष्ट्रपति रोड्रिगोको भनाइ उल्लेख गर्दै अनलाइन समाचारमा जनाइएको छ । उनले जसरी भए पनि गोर्खा सैनिक ल्याएर मुलुकमा आतंकवादी संगठनको तहस–नहस गरिदिने चेतावनी दिएका छन् । तर गोर्खा सैनिक कहाँबाट कसरी ल्याउने भन्नेबारे केही खुलाइएको छैन ।
ब्रुनाईमा पनि भारतीय गोर्खा सैनिक पठाउने प्रस्ताव
भारतले ब्रुनाईमा ब्रिटिस गोर्खाको सट्टा भारतीय गोर्खा सैनिक पठाउने प्रस्ताव अघि सारेको छ । भारतीय उपराष्ट्रपति मोहम्मद हमिद अन्सारीको ब्रुनाई भ्रमणका बेला यसबारे छलफल भएको हो । उपराष्ट्रपति अन्सारीले ब्रुनाईमा भारतीय गोर्खा सैनिक पठाउने प्रस्ताव राखेका थिए । ब्रुनाईमा सन् १९८४ देखि बेलायती गोर्खा सैनिक छन् । बेलायतले ब्रुनाईका सुल्तानसँग भएको सहमति अनुसार गोर्खा सैनिकको राख्दै आएको छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon