एमाले फुट्ने खतरा ! वामदेव नयाँ प्रधामन्त्री , कस्ले बनायो गोप्य योजना ?
स्थानीय निकायको निर्वाचनअघि एमालेमा विभाजनको तयारी
२०,असोज,काठमाण्डौं । राजनीति यस्तो खेल हो जहाँ हरेक नाजायज कुरा जायज हुन्छ यदि कसैलाई लाभ हुन्छ भने । माओवादी केन्द्रका अध्यक्ष प्रचण्डको नेतृत्वमा सरकारले हनीमुन मनाउन नपाउदै अर्को समिकरणले चलखेल सुरु भएको छ ।
नयाँ समिकरणको प्रधानमन्त्रीको रुपमा एमाले उपाध्यक्ष वामदेव गौतमलाई अघि सारीएको छ । त्यसो त यो प्रयासमा माओवादी अध्यक्ष प्रचण्ड र शेरबहादुर देउवाले यसबारे कुनै धारणा बनाइसकेका छैनन् ।
तर काँग्रेसका दोश्रो तहका नेता र माओवादीका कयौ नेता प्रचण्ड सरकारलाई विस्थापन गर्न चाहन्छन् । तर यो एमालेलाई सहहयोग गर्न होइन वरु एमालेलाई विभाजन वा कमजोर बनाउने रणनीति अन्तर्गतको प्लान हो । भारत पनि नेपालमा एमाले कमजोर भएको हेर्न चाहान्छ ।
दिल्लीले यसमा सक्रिय भुमिका ननिभाएपनि फाइनल फैसला भने दिल्लीकै हातमा छ । एमाले र दिल्लीलाई नजिकबाट नियालीरहेका एकजना जानकार भन्छन–भारत नेपालमा एमालेलाई देख्न चाहदैन्,त्यसैले उ या एमाले कमजोर या त विभाजन भएको हेर्न चाहान्छ ।’ त्यसो त पछिल्लो समय एमालेभित्र भुसको आगो सल्कीरहेकै छ ।
यहाँसम्मकी एमाले केन्द्रिय समितिको वैठकमा वामदेव गौतमले एमाले अध्यक्ष ओलीलाई धम्कीपुर्ण भाषामा ‘तपाई वढी नबोल्नुस,तपाईले पुरै धर्ती थामेको नसोच्नुस’सम्म भनेका थिए । ओलीले मधेसलाई भारत र विहारी नागरिकको थलोसम्मको संकेत गरेपछि माधव नेपाल समेत ओलीसंग चिढीएका थिए ।
त्यसो त ओलीले माओवादीसंगको गठबन्धनमा बेइमानी गरेको भन्ने एमाले नेताहरुको कमी छैन् । दिल्ली निकट स्रोतका अनुसार स्थानीय निकायको निर्वाचनअघि एमाले विभाजन हुनसक्ने सम्भावना वढेर गएको छ । यो प्रक्रियाको नेतृत्व माधव नेपालले गर्नेछन् भने त्यसमा वामदेव गौतम,भीम रावलले सघाउनेछन् । तर झलनाथ खनालले भने अहिल्यै निर्णय गरेका छैनन् । यी सबैका लागि उपयुत्त पात्र भनेकै वामदेव हुन् । मौजुदा एमाले संरचनामा वामदेव गौतम निर्णायक भुमीकामा छन् तर उनी आफै बहुमत भने होइनन् ।
त्यसैले पनि उनलाई प्रधानमन्त्रीको रुपमा अघि सारीएको छ । यदी देउवाले उनलाई रणनीति अनुसार सहयोग गरे भने कुनै अन्यथा मान्नुपर्ने छैन् । यहाँसम्मकी कि त्यस्तो अवस्थामा प्रचण्ड पनि तयार हुनसक्छन् । वामदेव र प्रचण्ड आफैमा मिल्ने साथी पनि हुन् । तर यो प्रक्रिया कसरी अघि वढ्छ त्यो निकै महत्वपुर्ण विषय हो ।
स्रोतका अनुसार उपाध्यक्ष वामदेव गौतमको नेतृत्वमा नयाँ सत्ता समीकरणको चलखेल सुरु भएको र उक्त सरकारको लागि मन्त्री बन्ने नेताको सूचीसमेत तयार भइसकेको छ । स्रोतका अनुसार अहिलेको संक्रमणकालीन अवस्थामा कांग्रेस सरकारको नेतृत्वमा आउन चाहिरहेको छैन् । भारतले पनि अहिल कांग्रेसभन्दा अरु दलकै नेतालाई सरकारको नेतृत्व खोजिरहेको छ । स्रोत भन्छ यसबारे दिल्लीले केही नेताहरुसंग छलफल समेत चलाइसकेको छ । अब एमालेमा वामेदेव गौतमलाई प्रधानमन्त्रीको उम्मेदवार बनाउने प्रस्ताव जानेछ । त्यहाँ ओलीले देखाउने व्यावहार र निर्णयमा एमालेको भविष्य निर्धारण हुनुक्छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon