अलैंची उत्पादन र भाउ घटेपछि किसान चिन्तित
खोटाङको बाझेच्यानडाँडाका किसान अलैची टिप्दै । तस्बिर : डम्बरसिं राई/कान्तिपुर
आश्विन २०, २०७३- अलैंची उत्पादन घटेपछि किसान चिन्तित बनेका छन् । अडेरी र रोगले अलैंची नष्ट भएपछि उत्पादन घटेको हो ।
जिल्ला कृषि विकास कार्यालयले गत वर्षको तुलनामा यो वर्ष २५ प्रतिशत अलैंची उतपादनमा गिरावट आएको जनाएको छ । जिल्ला कृषि विकास कार्यालयका प्राविधिक सहायक रामभक्त अधिकारीका अनुसार यो वर्ष चार सय ४० मेट्रिकटन मात्र अलैंची उत्पादन भएको छ । गत वर्ष पाँच सय ६४ मेट्रिकटन उत्पादन भएको थियो । यसबाट गत वर्ष ९२ करोड रुपैयाँ बराबरको अलैंची जिल्लाबाट निकासी भएको थियो ।
अलैंची उर्बर क्षेत्र मानिएको सुङ्देल गाविसका ललितचन्द्र राईले अलंैची उत्पादनमा गिरावट आएपछि किसान चिन्तित बनेको बताए । उनका अनुसार गत वर्ष सुङ्देल गाविसमा मात्र साडे तीन करोडको अलैंची निकासी भएकोमा यो वर्ष ५० लाख रुपैयाँ जतिको मात्र निकासी हुने देखिएको छ ।
अलैंचीको उर्बर मानिएको अर्को गाविस बाझेच्यानडाँडास्थित अलैंची किसान संग्राम राईका अनुसार यो वर्ष आधा अलैंची उत्पादन घटेको छ । गत वर्ष बाझेच्यानडाँडा गाविसबाट पाँच सय मन अलंैची निकासी भएकोमा यो वर्ष करिब दुई सय मन मात्र निकासी हुने देखिन्छ । जिल्लाको सुङ्देल, फेदी, पाथेका, खार्मी, चिउरीडाँडा, बाझेच्यानडाँडा, सावाकटहरे, चिसापनी, डम्बर्खुशिवालय लगायत ३४ गाविसमा अत्याधिक अलैंची उत्पादन हुने गरेको छ ।
गत वर्षको तुलनामा यो वर्ष अलैंची उत्पादन क्षेत्र बढे पनि उत्पादन घटेको छ । गत वर्ष नौ सय ४० हेक्टर क्षेत्रफलमा अलैची उत्पादन भएको थियो भने यो वर्ष नौ सय ६१ हेक्टरमा अलैची उत्पादन भए पनि उत्पादकत्व घटेको प्राविधिक सहायक अधिकारीले सुनाए ।
त्यसो त यो वर्ष ८४ हेक्टर जग्गामा नयाँ अलैंची क्षेत्र विस्तार गरिएको छ । अधिकारीका अुनसार यो वर्ष एक हजार चार सय चार हेक्टरमा अलैंची लगाइएको हो ।
अलैचीको मूल्य पनि घट्यो
यो वर्ष ३५ प्रतिशत अलैंचीको मूल्य गिरावट आएको छ । जिल्ला कृषि विकास कार्यालयका प्राविधिक सहायक रामभक्त अधिकारीका अनुसार स्तरीय अलंैची उत्पादन गर्न नसक्नु, प्रशोधन, ग्रेडिङ, प्याकेजिङ्, ढुवानी र बजार व्यवस्थापन गर्न नसक्दा अलैंचीको मूल्यमा गिरावट आएको हो ।
गत वर्ष प्रतिकेजी ९७ हजार रूपैयाँमा बिक्री भएको अलैंची यो वर्ष प्रतिकेजी ६२ हजारमा झरेको अलैंची व्यवसायी संग्राम राईले बताए । उत्पादन र मूल्य घटेकाले किसानको आर्थिकस्तरमा मात्र नभएर जिल्लाको अर्थतन्त्रमा समेत असर पर्ने खोटाङ उद्योग वाणिज्य संघका अध्यक्ष राजु लयालुले बताए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon